Өрт кырсыгынан сактаналы!


Сүрѳт Интернет булагындан алынган

Өрт менен күрөшүү азыркы учурдагы курч маселердин бири. Тилсиз жоонун кесепетинен каза болгондордун, жапа чеккен адамдардын саны жылдан жылга өсүп жатат. Материалдык жоготуулар да абдан көп.
Мисалы, Талас районунда катталган өрт кырсыктарынын бири, 2020-жылдын 1-январь күнү Талас районунун Таш-Арык айылынын Манас көчөсүндө жайгашкан №14турак жайынынашканасында болгон.Ашканадагы 3 м2 аянтында керме шыптагы курулуш жыгач, пластик материалдарыөрттөн жабыркаган.


Сүрѳт Интернет булагындан алынган

— Каргашалуу өрт кырсыктары кайталанбашы үчүн төмөндөгү эрежелерди сакташыбыз зарыл:
— от жагылуучу мештин жана мор түтүктөрүнүн тешилип же болбосо жарылып кеткен жерлери болсо, шыбап же бүтөп кою керек, мор түтүктөрүн ар бир эки ай сайын тазалап туруу зарыл;
— үй эмеректери же бөлөк буюмдар мештен же электр жылыткычынан 50 см. кем эмес алыс аралыкта жайгаштырылышы керек, мештин от жагылуучу тарабынан аянты 70х70 см. болгон темир калай төшөлүшү керек;
— колго жасалган ачык спиралдуу электр жылыткычтарды колдонууга тыйуу салынат.
— электр жылыткычын түнкүсүн сайып уктабаңыз жана кароосуз калтырбаңыз;
— электр жылыткычын үйдөгү эмеректерге, пардага жакын жайгаштырбаңыз;
— электр энергиясына ашыкча күч келтирүүдөн качыңыз-бир убакта бир нече электр жабдыгын сайбаныз;
— электр жылыткычтын ток өткөргүчүн килемдин, паластын астына жашырбаңыз. Ошондой эле анын үстүнөн оор эмерек же башка оор нерсе менен бастырбаңыз. Бул анын сурулуп, жукарып кетишине жеткирет;
— эл. розетканы, жылыткычтын розеткага сайылган жерин, вилкаларын текшерип туруңуз. Эгер аларда кичинекей эле бир кемчилик болсо, дароо оңдотуңуз. Ошол эле учурда вилкалардын розеткага толук киришин көзөмөлдөңүз, болбосо вилкалар эрип, розетка күйөт да, бул өрттүн чыгышына алып келет.
Жогоруда көрсөтүлгөн эрежелерге көңүл кош мамиле жасабай так аткарсак өрт кырсыгынан алыс болобуз,- деп маалымат берди Талас районубоюнчаӨКБнүн ӨӨ жана ААБнүн башчасы, майор М. Баялиев.
“Сактыкта кордук жок дегендей”, өрт кырсыгынын алдын алыш үчүн отту колдонууда, тамеки чегүүдө, электр жылыткыч жана башка жабдыктарын колдонууда сак болсок, мештерди жана анын морлорун убактысында оңдоо иштерин жүргүзсок каргашалуу орт кырсыгынан оолак болобуз.

Даярдаган: Мира Сейдикеримова

Өрт коопсуздугун сактоо боюнча интсруктаж жүргүзүлдү

Талас шаары боюнча ӨКБнщн өрт өчүрүү жана алдын алуу бөлүмчөсүнүн кызматкерлери, Талас шаарындагы борбордук базарында түзүлгөн өрткө каршы командасына жана сатуучуларга 2020-жылдын 11-февраль күнү
өрт коопсуздугун сактоо, өрттүү алдын алуу боюнча интсруктаж жүргүзүлдү. Өрт өчүрүүчү баллон (огнетушитель) менен иштөөнү жана алгачкы өрттү өчүрүнүн ыкмалары үйрөтүлдү.

Даярдаган: Челетиров Мишель

Ѳрттү болтурбай кою ѳзүбүзгѳ байланыштуу

 Кырсык каш кабактын ортосунда дегендей, кокусунан чыккан ѳрт кырсыгынын үй жайлар, ѳмүр бою жыйнап чогулткан дүйнѳсү бир заматта күлгѳ айланып, а түгүл адам баласынын ѳмүрүнѳ жана ден соолугуна зыян келтирген учурлар жок эмес. Ѳрттүн чыккан себептери ар түрлүү болгону менен, негизги ѳзүбүздѳн  ѳрт  коопсуздугунун  эрежелерине  болгон кайдыгерлик мамилебизден болот.

Айта кетсек 2019-жылы 12-ай ичинде 211 ѳрт кырсыгы катталып, материалдык  чыгым  9 млн 633 миң 870 сомду түзгѳн.

Жогоруда кѳрсѳтүлгѳн ѳрт кырсыктарынан  1 адамдын ѳмүрү сакталып, 3 адам жаракат алып, алкогольдук ичимдиктин айынан 3 ѳрт чыккан.

Ѳрт кырсыктарынын  ѳлүмгѳ учуроонун  негизги себептери:

  • Электр жабдууларын пайдалануунун жүрүшүндѳгү ѳрт коопсуздугунун  эрежелерине  бузулушунан  47 ѳрт  (21,8 % )
  • Отко этиятсыз мамиле кылуудан 3 ѳрт (29,9%)
  • От жагылуучу печкаларды колдоонууда ѳрт коопсуздук эрежелердин сакталбагандыгынан 14 ѳрт ( 6,6 % )
  • Ѳспүрүм жаш балдардын от менен одоно ойносу 27 ѳрт (12,8%)
  • Жана башка ѳрттѳр 60 ѳрт (28,9 %)

Жогоруда фйтылып кеткен ѳрт кырсыктарынын кѳпчүлүгү жеке менчик турак жайлардан келип чыгууда. Катталган ѳрт кырсыктарынын кѳпчүлүгү тургундарыбыздын ѳрт  коопсуздугунун  эрежелерине кѳңүл бурбай кайдыгер  мамиле жасагандыгынан келип чыгууда.

Кырсык коркунучун алдын алуу үчүн шаардык жана райондук офицердик жана ѳздүк курам, жергиликтүү   айыл ѳкмѳттѳрдѳ, турак жай  үйлѳрдѳн  чыккан ѳрттѳр жѳнүндѳ мектерди жана түшүндүрүү  иштерин  жүргүзүшүп келүүдѳ.

Мындан ары мындай кѳрүнүчтѳргѳ жол бербѳѳ максатында, Талас облусунун ѳрттү алдын алуу офицердик курамынын негизи жумуштары бул

  • ѳрттү алдын ала эскертүү,ошондуктан ѳрттү болтурбоо жана андан ары сактануу үчүн, массалык  маалымат каражаттары аркылуу элибизге маалымат берилип, жергиликтүү калкыбызга түшүндүрүү иштери жүргүзүлүүдѳ.

 

Даярдаган: Улар Тамабаев, Кундуз Мырзалиева

Манас районунда өрткө каршы куткаруу бөлүгү ачылды

      Манас районунда жаңы өрткө каршы куткаруу бөлүгү ачылды

Бүгүн, 2019-жылдын 24-декабры күнү Талас облусунун Манас районунда жаңы курулган №100 өрткө каршы куткаруу бөлүгүнүн имаратынын ачылыш аземи болуп​ өттү.
Салтанаттуу иш-чарага Кыргыз Республикасынын Өзгөчө кырдаалдар министри Нурболот Мирзахмедов, КР ӨКМдин Талас облусу боюнча башкармалыгынын жана Манас районунун Өзгөчө кырдаалдар бөлүмүнүн өздүк курамы, жергиликтүү бийликтин өкүлдөрү катышты. Иш-чаранын жүрүшүндө министр Н.Мирзахмедов жалпы катышуучуларды куттуктап өттү.

“Жаңы курулган №100 өрткө каршы куткаруу бөлүгүнүн имараты толук кандуу бүткөрүлүп, расмий түрдө ачуу аземине мына бүгүн күбө болуп жатабыз. Президентибиздин 2019-жыл Региондорду өнүктүрүү жана санариптештирүү жылы деп жарыялоо жөнүндөгү Жарлыгына ылайык, бул жаңы имарат Сиздердин татыктуу эмгегиниздер жана кошкон салымыңыздар болду десем жаңылышпайм. Куткаруу бөлүгүнүн курулушуна өздүк курам ашар жолу менен жапа тырмак аракет кылып, чоң колдоо көрсөтүштү. Колдоо көрсөткөндөргө жана өздүк курамга ыраазычылык билдирем. Эң негизгиси, ар бир эмгектин акыбети кайтып, эл –жерибизде тынчтык, үмүттүү келечек, жашоонун жыргалчылыгы орноп турсун”, — деди министр Н.Мирзахмедов.

​ Курулуш иштерин жүргүзүү үчүн, Өзгөчө кырдаалдар министирлигинин​ буйругунун негизинде,​ имараттын долбоору даярдалып, долбоор боюнча 9211112 сомго смета түзүлгөн. Кыргыз Республикасынын Өзгөчө кырдаалдар министирлигинен жалпысынан 6 млн. 832​ 725 сом акча каражаты которулуп, ​ өздүк курамдын күчү менен куруу иштери толук аяктады, ал эми бюджетке ​ 2 378​ 387 сом үнөмдөлгөн.
Имарат заманбап талабына жооп бере ала тургандай салынып, административдик бөлүгү эки кабат, кышкысын жылуу, 2 гараж, ал эми резервде 1 гараж бар.

Даярдаган: Марат Баялиев, Кундуз Мырзалиева.