Биз – теңчилик муундун өкүлүбүз

Талас шаарындагы Кызыл Ай коомунун жыйындар залында Кыргызстанда муундар аралык жана гендердик чектер алкагында коомчулуктардын гендердик зомбулукка каршы күрөшү долбоорунун «Биз- теңчилик муундун өкүлүбүз» аттуу пресс-кафеси өткөрүлдү.
Пресс-кафеде Бакай-Ата районунун Өзгөрүш, Ак-Дөбө, Талас районунун Көк-Кашат айылдарынан жана Талас шаарынан долбоорго катышкан муундар аралык топтордун өкүлдөрү жеке жашоосунда, үй бүлөсүндө өзгөрүүлөргө жетишкендиктерин ортого салышты. Карапайым эл арасынан чыккан айыл тургундары жана айылдык активисттер никеге мажбурлоо, кыздардын эрте никеге туруу көйгөйлөрүн алдын алуу үчүн эмне кылуу керектигин айтып беришти.


— Гендердик теңсиздик десе эле биз аялдардын зордук зомбулукка кабылганын элестетебиз. Гендердик теңсиздиктин көп түрү бар, айрым үй бүлөлөрдө эркектер дагы психологиялык зомбулукка дуушар болушат. Өзүмө кайрылсам ушул долбоордун жардамы менен биз бактылуу үй бүлөгө айландык. Биздин үйдө алты эркек, эки аял бар. Анын бири карыган апам. Үй тиричилиги бүтүндөй келинчегимдин мойнуна жүктөлүп калганын долбоорго катышкандан кийин билдим. Азыр үй тиричилигине уулдарым, өзүм дагы кол кабыш кылып, жубайымдын түйшүгү кадыресе жеңилдеди, деди GALS долбоорунун чемпиону, Озгоруш айылдык кеңешинин депутаты Алтынбек Ниязалиев.
Ал эми Талас шаары боюнча муундар аралык топтун лидери Алмамбет кызы Айгерим семинарларга катышып, гендер маселеси боюнча дүйнө таанымы кеңейип, аялдар дагы, эркектер дагы жашоонун ар кандай кырдаалдарында гендердик теңсиздикке кабылаарын, бул көйгөйдөн кутулуунун жолу билим жана эркин тандоо экенин айтты.


Ак-Дөбө айылынан келген Сыргажан апа долбоордун жардамы менен небереси Кайыргүл экөөнүн мамилеси жакшырып, бири бирине ишенип, сыр бөлүшүп, ынак курбуларга айланып калышканын айтып берди.
— Эки жылдан бери долбоордун алкагында көп иштерди жасоого жетиштик. Айылдарда “Супер кайната”, “Атасы менен баласы”, “Кыздар жана апалар” атуу кароо сынактар уюштурулду. GALS ыкмасын пайдалануу менен Өзгөрүш айлындагы эки мектепте кыз ала качуу боюнча түшүндүрүү иштери жүргүзүлдү. Мындан тышкары Көк-Кашат айлындагы муундар аралык топтун лидери Раиса Шоорукова айылда жаштарга чебер класстарды уюштуруп, гүл өстүрүү боюнча окуу откоруп, ал эми жаштар улууларга техника, телефон колдонуу ыкмаларына уйротушкон.

Өзгөрүш айлындагы муундар аралык топтун мучосу эжекебиз Майрам Бакеева унутулуп бараткан улуттук тамак “Ысык курутту” жасап чебер класстарды өтүштү. Ак-Дөбөдөгү топ кой союп, аталар окуучу балдарга кой союу, жиликтөө, ар бир жиликтин мааниси, кандай табакка тартылаары тууралуу түшүндүрүп, ичеги аарчып, жөргөм өргөндү үйрөтүштү. Долбоордун максаты 55 жаштан жогору улуу муундун адамдары менен 18 жашка чыга элек өспүрүмдөр ортосундагы алаканы чыңдоо, үй бүлөдөгү гендердик теңсиздикти жоюу менен коомубузда бактылуу үй бүлөлөрдү көбөйтүү.

Бүгүнкү пресс-кафе “Кыргызстанда муундар аралык жана гендердик чектер алкагында коомчулуктардын гендердик зомбулукка каршы күрөшү” долбоорунун алкагында Бириккен Улуттар уюмунун гендердик теңчилик жана аялдардын укуктары менен мүмкүнчүлүктөрүн кеңейтүү түзүмү (“БУУнун Аялдар” түзүмү), “ХелпЭйдж Интернэшнл”, “Агенты перемен” уюмдары тарабынан жана Европа биримдигинин каржылоосу менен өткөрүлүүдө, деп билдирди долбоордун Талас облусу боюнча координатору Марина Эдигеева.

Пресс-кафеге чакырылган коноктордун бири гендер маселеси боюнча серепчи Зарина Туркманова Линда Мэйо жайылткан GALS ыкмасы башка мамлекеттерде айыл чарба багытында көп колдонулгандыгын айтып, GALS ыкмасы менен жубайлар бири биринин кыялын, алдыга максат коюу менен тоскоолдуктарды жана мүмкүнчүлүктөрдү аныктап, турмуш тиричиликке байланышкан милдеттерди тең бөлүштүрүп, киреше көбөйтүү жолдорун ортого салып кеңешсе ынтымактуу, бактылуу үй бүлөлөр көбөйөөрүн айтып өттү.

 

 

Даярдаган: Мира Сейдикеримова

Региондорду өнүктүрүү, өлкөнү санариптештирүү жана балдарды колдоо жылында бараандуу иштер жасалат


Сүрөт Интернет булагындан алынган

2018-2040-жылдар Кыргыз Республикасын туруктуу өнүктүрүүнүн улуттук стратегиясынын, Кыргыз Республикасынын Президентинин 2020-жылдын 8-январындагы “2020-жылды Региондорду өнүктүрүү, өлкөнү санариптештирүү жана балдарды колдоо жылы деп жарыялоо жөнүндө” Жарлыгынын алкагында жана ага ылайык Кыргыз Республикасынын Өкмөтүнүн стратегиялык өнүктүрүүнүн милдеттерин ишке ашыруу, райондун социалдык-экономикалык деңгээлин көтөрүү, айыл аймактарын өнүктүрүүгө мамлекеттик жана жергиликтүү өз алдынча башкаруу органдары менен коомдун күч аракеттерин бириктирүү, санариптештирүүнүн негизинде элдин жашоо турмушун жакшыртуу, райондун аймагында санариптик трансформациялоону күчөтүү жана балдарды, өзгөчө жетим балдарды, оор турмуштук жагдайда калган балдарды, ден соолугунун мүмкүнчүлүгү чектелген балдарды колдоо иш аракеттердин негизги багыттарынан болуп калды.
“2018-2020-жылдары “Үй-бүлөнү колдоо жана балдарды коргоо” боюнча Кыргыз Республикасынын Өкмөтүнүн Программасын ишке ашыруу боюнча иш чаралардын планын, “2018-2030-жылдары Кыргыз Республикасынын Калкты социалдык коргоо жана эмгек чөйрөсүндөгү өнүгүү” стратегиясын, Кыргыз Республикасынын Өкмөтүнүн 2019-жылдын 15-февралындагы №20-6 буйругу менен бекитилген “Санарип Кыргызстан 2019-2023” санариптик трансформациялоо Концепциясын ишке ашыруу боюнча “Жол картасынын”, коррупцияга каршы туруу боюнча иш-чаралар планын жана Кыргыз Республикасынын Президентинин 2020-жылдын 8-январындагы “2020-жылды Региондорду өнүктүрүү, өлкөнү санариптештирүү жана балдарды колдоо” жылы деп жарыяланган Жарлыгын жетекчиликке алуу менен иш жүргүзүлүүдө.

Учурда Талас районунда региондорду өнүктүрүү, өлкөнү санариптештирүү жана балдарды колдоо жылын өткөрүү боюнча айыл өкмөттөрүндө, бардык мекемелер, уюмдарда жумушчу топтору түзүлүп, уюштуруу башталды.

Даярдаган: Батма Байымбетова

Акын Арзыкан Момунтаеванын “Айтматов жана поэзия” аттуу кечеси болуп өттү

2-март күнү Талас мамлекеттик университетинде акын, коомдук ишмер Арзыкан Момунтаеванын “Айтматов жана поэзия” аттуу поэзия кечеси болуп өттү. Кечеге Талас облустук медиа борборунун башкы директору, Кыргызстан жазуучулар союзунун Талас облусундагы к бөлүмүнүн башчысы Эрмек Үмөтов, Талас мамлекеттик университетинин ректору Айбек Упенов, акындын калемдештери Тойчубек Алишеров, Койбагар Турдумамбетов, Талас облустук билим берүү борборунун жетекчисинин орун басары Борончу Нурматов, “Баатырларга таазим” коомдук бирикмесинин мүчөлөрү, университеттин окутуучулары, студенттер катышты.

Алып баруучу Нурзада Камчыбекова слайд менен кечени ачып, акын Арзыкан Момунтаеваны сахнага чакырды. Акын эжебиз жаңы жазылган ырларынан окуп берди. Автордун обондуу ырлары жаңырып, “Сапат” лицейинин окуучулары “Алтын энекем” аттуу ырды аткарып беришти. Студент кыздар тобу “Саясат саптарында”, “7-Апрель — 7 баатыр” китептеринен алынган ырларды көркөм окушту. Акындын жашоосу, чыгармачылыгы тууралуу сүрөт көргөзмөсү да кеченин көркүн ачты.
“Баатырларга таазим” коомдук бирикмесинин жетекчиси Кишимжан Таштекеева, мүчөлөрү Күмүшай Бокотонова, Жамила Токсонова эжелер акындын Апрель революциясында уулдарын жоготкон ата-энелердин арман-күйүтүн тең бөлүшүп, коомдогу болуп жаткан саясый окуяларга айкалыштырып китеп жазганын, коомдук бирикменин активдүү мүчөсү экенин айтышып, Арзыкан Момунтева ыраазычылыктарын билдиришти.

Сөз сүйлөп акындын чыгармачылыгы тууралуу өз ойлорун айтышкан кеченин катышуучулары, Арзыкан Момунтаеванын асыл адамгерчилигин, коомдук иштерге жигердүү катышып, коомдун өнүгүүсүнө, ишкердикти өнүктүрүүгө кошкон салымы тууралуу баса белгилеп өтүштү.
Адабият алпы Чыңгыз Айтматов Жер эненин ыйын, жан-жаныбар, жаратылыш менен Адамдын камыр-жумур мамилесин, баарыбыз жандуу жаратылыштын бир бөлүгү экенибизди ар бир чыгармасында айтып, адам баласын күн сайын адам болууга чакырган эмеспи. Акын Арзыкан Момунтаеванын ырларында дагы жаратылышты сүйүү, табият менен адамдын алакасы, окшоштугу, бирин бири толуктап тургандыгына чоң маани берилген.

“Азабы көп асыл аялсың,
Аргыштаган аппак маралсың.
Жан отуңа Аалам жылыткан
Жаркыраган жашыл аралсың.

Суусаттырган суудай тунуксуң,
Сууга түшкөн аппак булутсуң.
Кабагыңда күндүн нуру бар,
Кандай пенде сени унутсун.

Аял, аял аппак маралдай,
Ааламда жок теңдеш таба албай.
Тегиз тийген күндүн нурундай,
Деңиз болуп агып барам жай”,-деп, өз ырында жазгандай, айтылуу акын эжекебизге “жаркыраган жашыл аралында” жамгырдай себелеген жакшылыктарды, чыгармачылык жаңы эргүүлөрдү каалайбыз.

Мира СЕЙДИКЕРИМОВА

“Гендердик теңчиликти жамааттык жалпыга маалымдоо каражаттары аркылуу жайылтуу” боюнча Талас шаарында тегерек стол өткөрүлдү.

Гендердик теңчилик — бактылуу үй-бүлө, өнүккөн коом

SAMSUNG CAMERA PICTURES

18-февраль күнү Талас шаарында “Гендердик теңчиликти жамааттык жалпыга маалымдоо каражаттары аркылуу жайылтуу” долбоорунун координатору Айзада Калканбекова, жамааттык маалымдоо каражаттарынын Ассоциациясынын аткаруучу директору Назира Жусупова “Үй бүлөдөгү зордук-зомбулук менен күрөшүүдө ар бир адамдын катышуусу” аттуу тегерек стол уюштурушту. Тегерек столго Талас облусунун прокуратура, ички иштер бөлүмүнүн кызматкерлери, жергиликтүү өз алдынча башкаруу бийлигинин өкүлдөрү, айылдык кеңештердин депутаттары, жаштар жана аялдар кеңешинин мүчөлөрү, бейөкмөт уюмдардын жетекчилери жана жарандык активисттер катышты.

SAMSUNG CAMERA PICTURES

Тегерек столдун модератору Зарина Туркманова алгачкы сөздү жамааттык маалымдоо каражаттарынын Ассоциациясынын аткаруучу директору Назира Жусуповага жана долбоордун координатору Айзада Калканбековага берди.
— Бул долбоордун мөөнөтү 2 жыл. Максаты жалпыга маалымдоо каражаттары, медиа коомчулук жана бардык кызыктар тараптардын өз ара иш-аракеттери аркылуу гендердик зомбулукту азайтуу жана Кыргызстанда аялдардын арасында алдыңкы үлгүнү жайылтуу. Долбоор БУУнун Демократиялык фонду тарабынан каржыланып, Кыргызстандагы жамааттык ЖМКлардын Ассоциациясы тарабынан ишке ашырылууда. Долбоордун өнөктөшү “Демге-Дем” коомдук фонду,-деди Назира Жусупова.

SAMSUNG CAMERA PICTURES

— Долбоор Кыргызстандын 7 облусундагы эң алыскы, маалымат жетпеген айыл аймактарды камтыйт. Мисалы, Талас облусунан пилоттук эки айыл Нылды жана Бакай-Ата кыштагында, Талас шаарында “Радиомост” жамааттык үналгысында аялдардын катышуусу менен тренингдер, тегерек столдор өткөрүлгөн,- деп белгилеп өттү Айзада Калканбекова.
КР Өкмөтүнүн Талас облусундагы ыйгарым укуктуу өкүлчүлүгүнүн социалдык мониторинг жана өнүгүү бөлүмүнүн адиси Бактыгүл Тагайматова, Талас шаардык мэриясынын социалдык бөлүмүнүн адиси Кадырбек кызы Каныкей жергиликтүү башкаруу бийлиги тарабынан дагы гендердик теңчилик маселесине олуттуу көңүл бурулуп жатканына токтолуп өтүштү.

SAMSUNG CAMERA PICTURES

“Кыргызстанда муундар аралык жана гендердик чектер алкагында коомчулуктардын гендердик зомбулукка каршы күрөшүү” долбоорунун Таластагы координатору Марина Эдигееванын GALS ыкмалары аркылуу үй-бүлөдө гендердик теңчиликти камсыздоо ыкмалары катышуучулардын кызыгуусун жаратты.
Коргоо ордери 3 күндүк мөөнөткө берилгени менен жабырлануучу зомбулук көрсөткөн адам менен бир үйдө жашаганы кооптуулукту жаратып, физикалык зомбулукка туш болгон аялдар психологиялык, сексуалдык зомбулукка да дуушар болушуп, депрессияга батып жатканы коомубуздагы көйгөйлүү маселелердин бири. Тилекке каршы, жабырлануучуларды мындай абалдан алып чыгуу оңой иш эмес, анын үстүнө кесипкөй психологдордун жоктугу жана жабырлангандар убактылуу баш калкалай турган жайдын жоктугу дагы олуттуу маселелердин бири.
Өткөн жылы Талас облусу боюнча 186 үй-бүлөлүк зордук-зомбулук болгону расмий катталган. 135 физикалык, 51 психологиялык зомбулукка дуушар болгондордун 168и аял, 10 жаш өспүрүм, 8 эркек. Ал эми 2018-жылы 235 үй бүлөлүк зордук зомбулукка дуушар болгондор катталып, алардын 199 аял, 28 эркек, 8 жаш өспүрүмдөр болгон, 231 коргоо ордери берилген.
2020-жыл башынан бери 41 үй-бүлөлүк зордук-зомбулук катталып, 41 коргоо ордери берилген.
Тегерек столдун иши жагымдуу нотада жыйынтыкталып, 2019-жылы “Гендер жана Медиа” сынагында мыкты макала жазып, байгеге ээ болгон “Талас байрагы” гезитинин техникалык редактору Суранчы Дүйшөнбаевге, аталган гезиттин Бакай-Ата району боюнча кабарчысы Жоомарт Бейшеналиевге жана “Аялзатын да барктай билсек” видеоматериалы менен сынакка катышкан Салыйка Сарыбаевага дипломдор тапшырылды.

Даярдаган: Мира Сейдикеримова

Прошли мероприятия в честь ветеранов Афганской войны в городе Талас.

15 февраля 2020 года исполняется 31 лет со дня вывода советских войск из Афганистана. Из Кыргызстана в кровопролитной войне 1979—1989 годов, в Демократической Республике Афганистан, принимал участие 7 тыс. 141 человек. В ходе сражений свыше 300 человек погибли, 4 пропали без вести, около 1 тыс. 500 кыргызстанцев получили ранения. На сегодня в стране проживают около 5,5 тысяч ветеранов.

В память о тех, кто погиб на этой войне, кто пожертвовал собой ради спасения других, за их храбрость и смелость каждый год по всей территории Кыгызской Республики устраиваются различные мероприятия. На эти мероприятия приглашают тех, кто участвовал в этой кровопролитной войне.

Все ветераны уже не такие молодые, как раньше. У всех уже внуки или даже правнуки. Они видели все ужасы происходящие на этой войне. Но время летит. Сейчас они живут, радуются тому, что их дети и внуки живут тихой мирной жизнью.

В школах города Талас также проходят мероприятия. Ученики учат стихи про ветеранов, одеваются в военную форму, танцуют военный танец и готовят сценки. Выражают свою благодарность и уважение. Готовятся не только школы, но и детские сады.

Подготовила: Копенко Валерия, Суйунтбек кызы Бактыгуль.

Алтынчы айлампада “Алганын” азаматтары атаандаштарын артка калтырды

6-февраль күнү Көк-Кашат айлында көкбөрү мелдеши болуп, анда Көк-Кашаттык “Алга” командасы 1-орунду жеңип алды.
Бул жолу мелдештин алтынчы айлампасы өткөрүлүп, Ак-Жар, А.Огомбаев, Көк-Кашат жана Калба айылынын 1985-жылкы жигиттеринен түзүлгөн көкбөрү командалары катышты.


Оюнду Беш-Таштан келген көкбөрүчүлөр менен Көк-Кашаттык “Алга” командасы баштады. Жыйынтыгында 6:1 эсебинде “Алга” утуп алды.
Андан кийин Ак-Жар менен Калба ойноп, калбалык жигиттер 3:2 эсебинде утуп алышты.
3-4-орунга Ак-Жар менен Беш-Таш ойноп, 3:2 эсебинде Беш-Таш командасы жеңишке жетишти.
Финалга Калба менен Көк-Кашат чыгып, 5:0 эсеби менен көк-кашаттык “Алга” командасы калбалыктарды таза утуп алды.
Көкбөрүнү сүйгөн көпчүлүк, сүрөөнчүлөр абдан көп болду. Мелдештин акырында 1-орунду алган командага 3000 сом, 2-орунду ээлегендерге 2000 сом, 3-орунга татыктуу болгондорго 1000 сом, ал эми калган командаларга 500 сомдон кызыктыруучу сыйлыктар берилди.
2019-жылы Манас айылында биринчи ирээт 1985-жылкы жигиттер арасында көкбөрү мелдеши өткөрүлгөн. Мелдешке Ак-Жар, А.Огомбаев, Кара-Суу, Манас, Арал, Үч-Эмчек, Көк-Кашат, Калба жана Чоң-Токой командалары катышып келишет.


— Мелдештин шарты жөнөкөй, эки улак союлуп, бир улак кийинки мелдешти уюштура турган айылга эстафета катары берилип, экинчи улакты мелдеш өткөргөн айылдын көкбөрүчүлөрү куурдак кылып жешет. Мелдеш баарыбыздын башыбызды бириктирип, айылдар аралык ынтымакты чыңдаганга, көкбөрү оюнун өркүндөтүүгө өбөлгө болот экен, деп кошумчалады “Алга” командасынын оюнчусу жана демөөрчүсү Эрнис Шамбетов.
Айта кетсек, “Алга” командасындагы көкбөрүчү жигиттердин оюнга кийе турган кийим-кечектерин Эрнис Шамбетов тиктирип берген.

— Манас айлында өткөн мелдешке тилекке каршы, катыша албай калганбыз. Кийин Ак-Жар айылынан 2-орун, Беш-Таштан 1-орун, Кара-Суу айылынан 2-орун, ал эми Калба айылында өткөн мелдештен 1-орунду алганбыз. Бүгүнкү мелдеште 1-орунду ээледик,-деди Көк-Куш атын алкынтып, алдыңкы оюнчулардын бири Надырбек Алкадыров. “Күлүктөн күлүк чыкса төрт аягы тыбырайт” дегендей, бир кылка мыкты оюнчулар жыйналган “Алга” командасында, топ жарган мыкты көкбөрүчүлөр бар.
Бул жолку оюнда Надырбек Алкадыров, Сыят Аманжанов, Замир Байызбеков тайказанга улакты көп салып, команданы алдыга сүрөштү.

“Алга” командасында 12 оюнчу бар. Алар:
1. Команданын капитаны Канат Иманбаев, минген аты Арбат.
2. Замир Байызбеков, көкбөрүгө чапкан күлүгүнүн аты Пакет.
3. Бектур Жуманалиев, минген аты Мустанг.
4. Замир Асымбаев, минген аты Зимар.
5. Шабданбек Акматалиев, минген аты Лазер.
6. Надырбек Алкадыров Көк-Куш аты менен мелдешке чыкты.
7. Эрнис Шамбетовдун минген аты Жарыкбаш.
8. Касен Тыналиев, минген аты Арматура.
9. Аманжанов Сыятбек, минген аты Жорго.
10. Айилчинбек Кожомуратов минген аты Чүкөбаш.
11. Марат Шаршеналиев минген аты Чагылган.
12. Заирбек Береналиев, менген күлүгү Каракуш.


“Алга” командасынын артыкчылыгы мелдешке жакшы даярдык, жаңы формалары менен чыгышты. Ал эми калган айылдардан келген командалар азырынча форма тиктиргенге жетише элек экендиги көрүнүп турду.
Көкбөрү эстафетасы катары союлган эки улактын бири Ак-Жардан келген командага берилди. Мелдештин жетинчи айлампасы күзүндө Ак-Жар айылында болмокчу.

Даярдаган: Мира Сейдикеримова

В Таласском лицее-комплексе иностранных языков проходит неделя по предмету географии

География- одна из древнейших наук. Она дает человеку выбираться из трудной ситуации без паники. Например: заблудился в незнакомом месте. География база для мировоззрения человека, в первую очередь география учит жить на земле. Благодаря географии человек учится как правильно пользоваться компасом, как понять где юг, где восток, где запад, а где север.
В школьные годы, во время урока географии, ученик часто задается вопросом «а зачем нужна география?»


Изучая географию, человек познает законы, по которым существует природа и современное общество. Ведь география изучает не только поверхность земли с ее природными условиями, развитие и размещение население в мире, международное отношения, глобальные проблемы и влияние человека на природу, помогает развитию экономики и науки.
Именно по этим причинам география является одним из обязательных уроков школе.


В городе Талас, в лицее-комплексе иностранных языков проходит «неделя географии»
Это мероприятие проходит в виде конкурса между классами. Суть самого конкурса в том, чтобы расширить знания учеников в области географии и увеличить интерес к мировоззрению.
Как же проходит это мероприятие?
Начиная с 3 февраля в течении целой недели каждый класс готовит презентацию по определенной теме. В понедельник идет соревнование между 8 классами, во вторник между 9 классами, в среду между 10 классами, в четверг между 11 классами

Каждому классу дается тема, по которой они должны готовится, к примеру: Америка, Европа, Азия или Австралия. В первую очередь оценивается то, насколько хорошо они подготовили данный материал. Еще одна интересная особенность, если классу, к примеру, дана тема «Европа», ученики должны одеть национальную одежду, некоторых европейских стран. Это делает конкурс более увлекательным. Если ученик одет в украинскую национальную одежду, то он должен произнести свою речь на украинском языке.

Ученики выразили свое мнение по поводу данного мероприятия: «Это мероприятие не только познавательное, но и увлекательное. Мы знакомимся с культурой и историей разных стран. Для каждого было интересно посмотреть на национальную одежду того или иного народа, было интересно послушать, как звучит той или иной язык. Мы также ознакомились с географическими данными и с богатствами животного мира определенного континента»,- поделились своим мнением Суюнтбек кызы Бактыгуль и Джакыпова Альбина.

Подготовила : Копенко Валерия,Бактыгуль Суйунтбекова

Мугалимдердин кышкы жыйыны болуп ѳттү

Манас районуна караштуу Покровка айылында мугалимдердин кышкы жыйыны болуп ѳттү.

Үстүбүздѳгү  жылдын  9- январында   Манас  районундагы  Покровка орто  мектебинде  усулдук  бирикмелердин  кышкы  жыйыны  болуп  ѳттү.

Анда  алдынкы  тажрыйбадагы  ачык  сабактар  ѳтүлдү. 2019-2020  окуу жылынын  2- жарымына  карата  иш- пландарды  карап  чыгышты. Мындан тышкары  башталгыч  класстар  бирикмеси  кыргыз  тили  боюнча  окуу китептерине  анализ  жүргүзүштү  жана  жайкы  жыйынга  тапшырмаларды алышты.

Эскерте  кетсек, мугалимдер  2- январдан  баштап, мектептерде  окуу жылынын  2- чейреги  үчүн  отчетторун  тапшырышып  иштеп  келишти.

Мугалим  десе  ар бир  адамдын  жүрѳгүн  жылуулук  уялайт эмеспи. Андыктан  мугалимдерибиздин сыймыктуу, ары  түйшүктүү  ишине  ийгилик каалай  кетели.

Даярдаган: Сабира Момункулова , Кундуз Мырзалиева

Окуучулар « Жомоктор дүйнѳсүнѳ » саякат жасашты

Башталгыч класстын окуучулары кышкы эс алууда « Жомоктор дүйнѳсүнѳ» саякат жасашты

Манас  районундагы  Өмүрзак Израилов  атындагы  орто  мектебинин башталгыч  класстарынын  окуучулары «окуурман  бала»  программасынын алкагында  «Жомоктор дүйнѳсүнѳ»  саякат  жазашты.

Анда  1-4 – класстардын  ар  бири  бирден  жомокту  чеберчилик  менен театрлаштырып  аткарып  беришти. Бул  жомоктордун  ар  биринин  окуучулар  үчүн  тарбиялык  мааниси  зор.

Жомоктор  аткарылган  сон китеп жонүндѳ  ырлар, корком  окуулар  болду. Бийлер  менен  коштолду. Аталган  иш- чарага  «Мерсико» долбоорунун  эксперти  Гулнара Избасарова  катышты.

Мындай  аракеттер балдарды китепти суйуп  окууга, мектеп  театрында ойноого кызыгууларын арттырары шексиз

 

Даярдаган:  Момункулова Сабира, Кундуз Мырзалиева

Жаңы мектептин пайдубалына капсула салынды

Манас районуна караштуу Нылды айылында болушуп, жаны мектептин пайдубалына капсула салышты.

 

Кыргыз Республикасынын Жогорку Кенештин тѳрагасы Д.А.Жумабеков жана Катар мамлекетинин Кыргызстандагы толук ыйгарымдуу элчиси Абдалла  Ахмед Аль Сулайти Манас районуна караштуу Нылды айылында болушуп, жаны мектептин пайдубалына капсула салышты.

Манас районуна караштуу Кайынды айыл аймагына  караштуу Нылды айылы алыскы жана кыйын жетүүчү айылдардын тизмесинде  турат. Айылдагы Ѳмүрзак Израилов атындагы орто мектебинин  имараты финн тибинде. Ал 1971- жылы 85 балага ылайыкталып курулган. Ал кезде ар бир класста 10-12 гана окучу болгон. «Элүү жылда эл жаны» дегендей, элдин саны ѳсүп, класстардагы окуучулардын саны 27-28ге жетти. Элүү жылга жакын бул убакыттын ичинде мектептин полдору чирип, дубалдары тешилип, класс бѳлмѳлѳрү ѳтѳ тар болуп  калды.

Мындан улам жаңы мектеп куру зарылчылыгы келип чыгып, үстүбүздѳгү  жылдын жаз айларында эл Жогорку Кенештин тѳрагасы Д.А. Жумабековго кайрылган эле. Тѳрага ушул жылдын 7- августундагы Талас облусуна  болгон иш сапарында аталган айылга келип, Катар мамлекетинин каржылоосу менен жаңы мектеп салынарын убадалап кеткен эле.

Ал убада аткарылып, жаңы мектептин пайдубалына капсула салынды. Ошондой эле  коноктор сѳз сүйлѳшүп, калоо- тилектерин билдиришти.  Айылдык аксакалдар сотунун тѳрагасы А.Сооронбаев  ак батасын берип, иш жыйынтыкталды.

 

Даярдаган: Момункулова Сабира, Кундуз Мырзалиева