Ардагер кеңешинин мүчөлөрү жаңы долбоор ишке ашырууда.

Талас шаарындагы ардагер кеңешинин мүчөлөрү жаңы долбоор ишке ашырууда. “Кыргызстанда муундар аралык жана гендердик чектер алкагында коомчулуктарды гендердик зомбулукка каршы күрөшүү”  долбоор ишке ашырылып жатат

Бириккен улуттар уюмду аялдар тузуму тарабынан жана «ХелпЭйдж Интернейшнл» фондусу тарабынан (кары адамдар менен иштешкен) эл аралык уюм. Талас шаардык ардагерлер кеңешинин катычысы Айыма Асанбекова кененирээк айтып берди:

“Биз ушул долбоор алкагында топту түзгөнбүз. Биздин топтун мүчөлөрүнө Талас шаарынын ардагер кеңешинин мүчөлөрү киришти жана Талас шаарынын активдүү жаштары мүчө болушуп, чогу иш чараларды жүргүзуп жатабыз. Алардын ичинде: Мектептердеги чоң класс окуучулары эрте никеге туруунун, ала качуунун терс көрүнүштөрү боюнча маалымат жеткирип турабыз. Тактап айтканда №4 жана №5 орто мектептеринин окуучуларына биздин топтун жаштары жолугушууларды өткөрүштү. Ноябрь жана декабрь айларында “Супер кайната” мелдешин уюштурдук. Сынакка ардагерлер активдүү катышышты. Бул сынактын негизги максаты жаштарга, жалпы эле жашоочуларга, туура багыт берип, эрте никеге туруу, кыз ала качуу, үй-бүлөдөгү зордук-зомбулукту жоюу болот”,-деди Айыма Асанбекова.

Ал эми “Супер кайната” мелдешинин  катышуучусу Алымбек Мырзабековдун  айтымында:

“Бизде азыркы убакта кыз ала качуу боюнча көптөгөн көйгөйлөр болуп жатат. Кыз ала качуу- эски коомдон калган жаман көрүнүш деп эсептеймин. Үй-бүлө курууда баарыбызга белгилүү болгондой эле эки жаштын бир тараптан макул болуш керек. Ошол үй-бүлөлүк маселеси боюнча деле биздин улуу жазуучубуз Ч. Айтматов агабыз  деле өз чыгармаларында көп кайрылган. Мисалы: “Жамийла”, “Саманчынын жолу”, “Бетме-бет” ушул үй-бүло темасына байланыштуу жана мааниге ээ болобу ал озүнчө бир чоң маселе да.  Азыркы жаштардын үй-бүлө куруу максатында салт деп таянышып, кыздарды ала качып кетип жатышат. Кыз ала качууну тоткотуу боюнча азыркы учурда иштер дагы жүрүп жатат. “Кыз ала качуу” жана “Супер кайната” темасын жакшы тандашкан, себеби кыз ала качууну жаштарга туура түшүндүрүп аракет жазадык, биз ойлойбуз алар туура түшүнүштү”,-деп билдирди.

Гендердик маселелер боюнча  машыктыруучу жана Талас шаарындагы  “Маана” кризистик борборунун психологу Зарина Турукманова өз оюн билдирди:

“Кыргызстан да башка өлкөлөргө караганда кыздарга карата кандай түрлөрү бар, булар албетте: ала качуу жана эрте никеге туруу. Ала качууда кыздардын макулдугу жок зордук-зомбулук кабылышат, ала качып кетишип. Зордук-зомбулуктан башталган үй-бүлөлөр бар, ошолүй-бүлөлөр аягында эмне болушат-бул албетте алар ажырашып кетишет. Ал эми эрте никеге туруу маселеси болуп турат. Жашы жете элек кыздар төрөп коюп жатышат. Өтүп кеткен жылы Талас облусунда  6 окуя болду. Негизинен эрте никеге туруу-бул  кылмыш болуп саналат. анткени, үй-бүлө куруу 18 жаштан кийин куруу мүмкүнчүлүк бар, 18 жашка чейин бул кылмыш болуп эсептелинет”,-деп айтты.

Даярдаган: Айнуру Керимбаева

Радиомост, Талас

“Тогуз коргоол” оюну боюнча мелдеш өткөрүлдү.

Талас районундагы Кырк-Казык айылында мелдеш болуп өттү

Талас районундагы Кырк-Казык айылында тогуз коргоол оюну боюнча мелдеш болуп өттү. Мелдештин уюштуруучусу Талас шаардык балдар өспурүмдөр спорт мектебинин тогуз коргоол  боюнча машыктыруучусу жана ошондой эле Талас облустык тогуз коргоол федерациясынын президенти Керимбек Өмүралиевтин айтымында:

“Мелдешке жалпысынан 100 гө жакын спортсмендер катышышты. 10 жаштан баштап 18 жашка чейинки окуучулар катышышты. Мелдешке Талас шаарынын 2 районунан келип катышышып жатышат. Алдыга койгон максаттарыбыз абдан чоң. Алардын бирин айта кетсем жакын арада мектептер арасында спартакиаданы жакшы дээңгелде өткөргөнгө даярданып жатабыз”,-деди.

“Мен тогуз коргоол ойногонума 4 жыл болду. Бүгүн мелдеш жакшы өтүп жатат. Мен тилекке каршы орун ала албай калдым, бирок кийинки мелдеште биринчиликти алам деп максатым бар”,-деп билдирди Диана Нурланова.

“Тогуз коргоол ойноп жатканыма көп жыл болуп калды. Мен бүгүнкү мелдеште биринчиликти алдым. Абдан сүйүнүп жатам”,-деп айтты Жазайым Молдокулова.

Даярдаган: Айнуру Керимбаева

Радиомост, Талас

 

Апрель революциясына 9-жыл.

7-апрель революциясына быйыл 9 жыл болот. Талас облустук ыйгарым укуктуу өкүлчүлүгүнүн жыйын залында чогулуш болуп өттү

7-апрель революциясы быйыл 9 жылга толот. Таласта баш аягы 8 коомдук уюмдар апрель революциясына байланыштуу  иш алып барып жүрөт. Бирок толук коомдуу иш жүрбөй, миссиялары ишке ашпай, ич ара нааразычылыктар болуп, максаттарына жетпей келет. Ошондуктан Талас облустук ыйгарым укуктуу өкүлчүлүгү  ушул 8 уюмдун башын бириктирип, чогу иштейли, көздөгөн максатыбызга жетейли, биз колдойлу,-деген сунуш киргизилди.Бул сунушту колдогон төмөнкү уюмдар өз пикирин айта кетишти:

“Жаңыдан бирикме болуп уюшулган “Баатырларга таазим” коомунун төрөайымы Кишимжан Таштакеева уюму тууралуу көзү өткөн балдарга “Эл баатыры” наамын алуу макамына аракет кыла баштаганбыз жана ошондой эле мен баласын жоготкон эне катары айтарым бул,-ушунча жылдан бери окко учкан балдарга алиге сот чечими чыга элек, тийиштүү макам бериле элек, мен ушуну ишке ашыруу үчүн болгон мумкүнчүлүгүмдү жумшайм”,-деди ал.

“Акыйкат” коомдук уюмунун жетекчиси Умар Анарбековдун айтымында:

“Мындан ары да эл ичиндеги бузулган укуктарга көз салып, элдин тынчтыгын коргоого салым кошобуз”,-деп айтты.

Ал эми “Айкөл Ала-Тоо” коомдук уюмунун жетекчиси Күмүшбек Бекмуратов өз оюн билдирди:

“Эл арасында апрель революциясынын ролун көтөрүп, бийликке кол кабыш кылып жүрүшкөн 64 мүчөсү бар экенин алар менен эл арасында кадыр бакттуу экенин белгиледи”,-деди.

Негизинен бул жерде катышкан уюмдардын баардык мучөлөрү Талас облустук ыйгарым укуктуу өкүлү Марат Мураталиевге ыраазычылыгын айтышты, мындан ары да биз менен бирге иш алып барууну макулдашты.

Даярдаган: Арсыкан Момунтаева, Айнуру Керимбаева

Радиомост, Талас

Аманбек Карыпкулов атындагы орто мектебинде семинар болуп өттү

Талас районундагы  Кара-Суу айылындагы А. Карыпкулов атындагы орто мектебиндеги окуучуларга   “Кылмыштуулукту алдын алуу” семинар өтүлдү

Төмөндө айтылган семинарды А. Карыпкулов атындагы орто мектебинин тарбия завуч мугалими  Жылдыз Текейова бешинчи класстан  баштап он биринчи класска чейинки окуучуларга өттү. Анын айтымында:

“Семинардын максаты азыркы учурда жаш өспүрүмдөр арасында көп чырчатак жана суицидга алып келип жатат. Ошол себептерге байланыштуу бул семинарды өткөрүп жатабыз”,-деп айтты.

А. Карыпкулов атындагы орто мектебинин 11-классынын окуучусу Касиет Жакшылыкова семинар жөнүндө өз ою менен бөлүшүп кетти:

“Бул семинар мага жакшы таасирин тийгизди. Абдан глобалдуу жана актуалдуу маселелер көтөрүлүп, түшүндүрүү иштери өтүлдү. Азыркы учурда жаш өспүрүмдөрдүн арасында болуп жаткан чырчатактардын негизинде  суицидге алып келээри алдын ала айтылып түшүндүрүү иштери жүргүзулдү”,-деп билдирди. 

“Азыркы учурда  жаш өспүрүмдөрдүн ортосунда болуп жаткан рекетчиликти балдар арасындагы эле эмес, кыздар арасындагы болуп жаткандыгы байкалды,ошондуктан мындай көрүнуштөр алдын алуу алыш үчүн  бүгүнкү семинардан өтүлдү жана катышуучулар өздөрүнө жакшы таасир ала алат деген үмүттөмүн. Себеби кылмыштуулуктун жана суициддин аягы жакшы нерсе менен бутпөйт”,-деди Мээрим Сапарбекова.

Даярдаган: Бермет Жакшылыкова, Айнуру Керимбаева

Радиомост, Талас

 

Талас районундагы Кара-Суу айылында жаңы спорт зал ачылды.

Талас районундагы Кара-Суу айылында мурдагы мечиттин имаратында жаңы спорт зал ачылып, жаш өспүрүмдөр катышып башташты

Төмөндө айтып кеткен спорт залдын мүдүрү Канатбек Асанкул уулунун айтымында:

“Ачылган максаты биздин айылда спорт зал жок. Жаш балдар кыштын кечки убагында эшикте жүргөнчө, спорт залга келишип машыгышса өздөрүнө да жакшы болот. Биздин айылдагы балдардан жакшы чемпиондор чыгышса деген максатта ачкам. Спорт залдын ачылганына 5 айдан ашты.  Азырынча демөөрчүлөр жок, баарын өзүм кылып жатам. 2-класстан баштап 11- класска чейинки балдар катышып жатышат”,- деп айтты.

Спортко кызыгышып, машыгып жатышкан Кайрат Керимбаев жана Нурсултан Кадырбеков өз ойлорун билдиришти:

“Менин келип катышып жатканыма 3 ай болду. Мен өзүмдүн каалом менен келгем, озүм спортко абдан кызыгам. Алдыда буйруса чоң ийгиликтерди жаратам деген ишеништемин”,-деп айтты Нурсултан Кадырбеков.

“Мен бул спорт залга келип жатканыма 4 ай болду. Мен бул спорт зал ачылганча Талас шаарына барып машыкчымын, эми бул жактан эле машыгып жатам”,-деди Кайрат Керимбаев.

Эскерте кетсек: Спорт залдын ачылышы боюнча машыктыруучу Канатбек Асанкул уулу демилге көтөргөн.

Даярдаган: Айнуру Керимбаева

Радиомост, Талас

Талас шаарында форум болуп өттү

Таласта, 2019-жылдын 10-январында ыйгарым укуктуу өкүлчүлүгүнүн жыйындар залында форум болуп өттү

2019-жылдын 10-январында  “Аялдар, тынчтык, коопсуздук коомдук угуу” деген темада ыйгарым укуктуу өкүлчүлүгүнүн жыйындар залында форум болуп өттү. Ал форумга Жогорку Кеңештин депутаты Гүлкан Молдобекова жана юрист-эксперт Курманбек Турдалиев, Талас облусундагы ыйгарым укуктуу өкүлдөрү Марат Мураталиев, Канимет Осмонбеков, Азият Жаркыналиева, айыл өкмөттөрүнүн өкүлдөрү, өкмөттүк эмес уюмдарынын өкүлдөрү жана коомчулук катышышты.

Анын айтымында:

«Форумдун негизги максаты  Жогорку Кеңештин  чечимине айымдарды катыштырууга активдештирүү жана бириктирүү болуп саналат. Кыргызтанда ушундай жыйналыштарды өткөзүп жатабыз»-деп билдирди Курманбек Турдалиев.

 

Мындан тышкары Талас облусунун райондорунан шайлоочулар жана дыйкандар  келишип өз көйгөйлөрүн Талас облусунун ыйгарым укуктуу өкүлүнө жана Жогорку Кеңештин депутаты менен бөлүшүштү, суроолорду берип, жооп алышты.

Жогорку Кеңешинин депутаты Гулкан Молдобекованын айтымында:

«Биз 2 күндөн бери шайлоочулар менен жолугуп жатабыз. Алардын көтөргөн эң көйгөйлүү маселелери мектептер, ооруканалар болуп жатты. Биз бул маселелерди билип, 2-3 жолу Талас облусуна келип жатабыз. Мындай көйгөйлөрдү өкмөт менен чечкенге аракет кылабыз. Депутат кийинки сапарында тийешелүү комиссия жогору айтылган көйгөйлөрдү жеринде чечүүгө убада берем»-деп айта кетти Гулкан Молдобекова.

Роза Жээналиева

Катышуучу Роза Жээналиева форум жөнүндө өз ою менен бөлүштү:»Бул «Аялдар, тынчтык, коопсуздук коомдук угуу» атту форум  туура эле өткөрүлүп жатат. Себеби, бул дагы өтө маанилүү жана көйгөйлүү маселелердин бири. Бугүн аябай кызыктуу маек болуп өттү жана биз берген суроолорго толук жооп алдык»,- деп билдирди.

Даярдаган: Саадат Нуржанова, Амина Муратбекова, Айнуру Керимбаева

Радиомост, Талас

 

 

Алтын же экология? Үрмаралдыктардын ой-пикири

Талас областына караштуу Бакай-Ата районунда жайгашкан Үрмарал кенинин тегерегинде ар кандай пикир келишпестиктер «Полюс Голд Кей Джи» жоопкерчилиги чектелген коому 7525 (жети миң беш жүз жыйырма беш)доллар сунуштап ауциондон утуп, Үрмарал суусунун алтынын алуу боюнча иш чаралар башталгандан бери болууда.  Мындан улам жергиликтүү элдин да ой-пикирлерин чагылдырууну туура чечтик.

интернеттен алынган сүрөт

Максат жергиликтуу тургун: Үрмарал суусундагы алтынды алууга, мен каршымын себеби, чон техникалар, ар кандай аппаратуралар менен алтынды алышса анда миңдеген ошол Үрмарал суусун ичип жаткан жергиликтүү эл таза суу иче албай калышы толук мүмкүн. Андан тышкары бир аз алтын алуу үчүн көптөгөн токойлорду кыйып, жердин почвасы бузулса, биз мал жандыктарыбызды жайууга да чоң коркунуч туудурат.

Аты жөнүн атагысы келбеген жергиликтуу тургун: «Менин оюмча Үрмарал кениндеги алтын казууну таптакыр токтотуш керек. Себеби угушума караганда 12 кг алтынга жетпей турган, алтын алынат экен анан эми бир муштум алтын үчүн жүздөгөн гектар жерлерди тунук суубузду булгап, алтынды алганы бул кыргыз элине кылган кыянаттык жана душмандык катары баалайм.»

интернеттен алынган сүрөт

Үрмарал кенин иштетүүгө лицензия алган мекеме тууралуу:

«Полюс Голд Кей Джи» жоопкерчилиги чектелген коому КР Юстиция Министирлигинин сайтындагы электрондук маалыматка ылайык 2016-жылдын 6-июнунда каттоодон өткөн. http://register.minjust.gov.kg/register/Public.seam?publicId=397102 жана анын жетекчиси Акимов Андрей Владимирович деп жазылган.

Андан тышкары ачык бюджеттер сайтындагы порталына ылайык “Кооптуу өндүрүштүк объекттердин өнөр жайлык коопсуздугу жөнүндө”  мыйзамынын 10-беренесинин 1-пунктунун 2-чи пунктучасына ылайык административдик штраф ирээтинде 10.000 сом айып пул салынган деп турат бирок эмне салынды экени белгисиз?

Даярдаган: Шамиль Мурат

Радиомост, Талас

«Сулуулар сынагы-2019»

Кечээ 28-декабрында Талас шаарындагы А.Огомбаев атындагы музыкалык мектебинде «Талас сулуусу-2019» сынагы өттү.

2018-жылдын 28-декабрында сулуулар сынагы болду. Сынакка Талас шаары боюнча жалпы 20 кыз катышып, тандоо турунан өтүшкөн. Ал эми  калыстар тобу 5 адамдан түзүлдү. Сынактын негизги максаты бул өздөрүн туура алып жүрүү, өз талантын көрсөтүү. Конкурс саламдашуудан, өз өнөрлөрүн (бий ,ырдоо,тамак аш жасоо, сүрөт тартуу, көркөм ыр айтуу) өткөрүлдү. Бул сынакка 14 жаштан 28 жашка чейинки кыздар  катышышты. Натыйжада 14 жаштагы Жанетта Нарынбаева өзүнүн активдүүлүгү менен жеңип алды.  Сынактын жеңүүчүсү эми облустук деңгелде боло турган сынакка катышат. Андан кийин дүйнөлүк сулуулар сынагына катышууга мүмкүнчүлүк бар экендиги тууралу калыстар тобунан айтылды. Ушул тууралу кеченин уюштуруучусу өз оюн айтып кетти:

«Бул жылы сынак абдан жакшы өттү калыстар тобунун калыстыгы менен чечилди. Жана ошондой эле калыстар тобуна, Калипа Чалова,Талас шаардык бөлүмүнүн үн режиссеру Сыргабек Молдобеков  өздөрүнүн чоң жардамын көрсөтүп кетишти»,-деди Элиза Казакбаева.

Кубанычбекова Мээрим бул сынактын катышуучусу биз менен дагы оюн бөлүшүп кетти:

«Сулуулар сынагы-2019» өтө бийик деңгелде өттү. Албетте, толкундануулар болду, башка катышуучулардай эле мен дагы жеңишке аракет кылдым. Бирок тилекке каршы ийгиликке жете албадым. Бул менин акыркы катышуум эмес дагы көп ийгиликке жетем деген максатым бар»,-деп айтты.

Көрүүчү катары ою мындай болду: «Мен көрүүчү катары эң негизги белгилеп кетерим, биздин женуучу Жаннета алган байгесине татыктуу деп эсептейм»,- деп айтып өттү Разылканова Алтынай.

 

Даярдаган: Бермет Жакшылыкова

Радиомост, Талас

Жаңы 2019-жыл «Баластан» балдар билим берүү борборунда болуп өттү.

Талас  шаарындагы «Баластан» балдар билим берүү борборунда жаңы жылдык майрам болуп, иш чарага 1-класстан 6-класска чейинки балдар жана кыздар катышышты. Бул жаңы жылга арналган кече 2018-жылдын 28-декабрында болуп өттү

Талас шаарындагы «Баластан» балдар билим берүү борборунда жаңы жылдык кече болду. Ага ушул эле шаардагы мектептерден келген окуучулар катышты. Негизинен эле жаңы жыл, баарыбыздын көптөн күткөн майрамдарыбыздын бири эмеспи. Өзгөчө бул  балдардын сүйүнүчүндө чек жок. Ушул ийримде окуган окуучулар түрдүү жаныбарлардын кийимдерин кийип көңүлдөрүн көтөрүштү.

Читать далее

Төбөдөн баскан төө буурчак

Чын эле төө буурчактын азабы төбөдөн басып, Таластыктардын таман акы маңдай тери кайтпай, ыза болгондору да, ызырынгандары да четтен чыгат. Анан кантет, эрте жаздан кеч күзгө чейин  жакшылыктан үмүт этип, бири үй жайын оңдоюм деп, бири уул үйлөп кыз берсем деп, дагы бири кредиттин жабам деп, ак эмгегим кайтса деген аздек үмүт менен  күзгө жетсе баягы үмүт акталбай, капа болгон карапайым дыйкандарга чыны  убал. Азыр Таластык жумурай-журт дыйкан, демек региондук кабагы салыңкы…

Читать далее