Бака-Ата районундагы Өзгөрүш айлында 2019-жылы “Анкара” супермаркети ачылган. “Анкараны” ачкан жеке ишкер Абдыбек Атанбеков.
— Рамазан айы башталгандан баштап биздин маркетке итфтарга келип каалоочулар ооз ачыша алат. Орозо айында нанды бекер беребиз, деп маалымдады аталган супер маркеттин администратору Канимет Абдишов.
Даярдаган: Мира Сейдикеримова
Улуттук Кызыл Ай коомунун Таластагы бөлүмү тарабынан жумушсуздарды иш менен камсыздоо максатында.
Улуттук Кызыл Ай коомунун Таластагы бөлүмү тарабынан жумушсуздарды иш менен камсыздоо максатында кийим бычуу, тигүү курстары ачылып, курстарга окуган кыз-келиндерге атайын сертификаттар берилген. Дасыккан адистен билим алган аялдар тигүү, бычуу кесибин мыкты өздөштүрүшкөн.
Андан көп өтпөй коронавирус тумоосу Кыргызстанда башталып, өлкөбүздүн баардык региондоруна карантиндик абал киргизилди. Ушул убакта бет каптардын аптекаларда аздыгы байкалып, Бишкектен гуманитардык жардам жөнөткөндөр медициналык бет каптарды жөнөтүп жатышат.
Учурдагы көйгөйдү азайтып, элге көмөктөшүү максатында Таластагы Кызыл Ай коомунан окуп кесипке ээ болгон кыз-келиндер бүгүнкү күндө эртеден кечке бет кап тигишүүдө. Бет каптар биринчи кезекте медиктерге жана милиция кызматкерлерине берилет.
Улуттук Кызыл Ай коомунун Таластагы бөлүмү ишти жакшы уюштуруп, жумушсуздарды убактылуу иш менен камсыздап, элге учурда абдан керектүү бет каптарды даярдоого көмөктөшүп жатканы мактоого арзыйт.
Даярдаган: Мира Сейдикеримива, Кундуз Мырзалиева
Кара-Буура районунда жашаган Улуу Ата Мекендик согуштун ардагерлерине, ооруктун ардагерлерине жана Чернобыль кырсыгынын, Афган согушунун ардагерлерине азык түлүктөр топтомун жөнөтүлдү.
КР Өкмөтүнүн Талас облусундагы ыйгарым укуктуу өкүлү Марат Мураталиев жеке каражатынан Кара-Буура районунда жашаган Улуу Ата Мекендик согуштун ардагери Бардан Турдалиевге, ооруктун ардагерлерине жана Чернобыль кырсыгынын, Афган согушунун ардагерлерине азык түлүктөр топтомун жөнөттү.
Карантиндик тартип орногон учурда азык-түлүк алуу кары-картаңдарга өзгөчө кыйын эмеспи, мындай маалда жакындан жардам көрсөтүп, күнүмдүк керектелүүчү азык-түлүктөр менен камсыздаган КР Өкмөтүнүн Талас облусундагы ыйгарым укуктуу өкүлү Марат Мураталиевге карыялар ыраазычылык билдиришүүдө.
Фото сюжет:
Даярдаган: Мира Сейдикеримова, Кундуз Мырзалиева
Талас шарында карантиндик блок постторго бейөкмөт уюмдар мониторинг жасашат.
“Таласта коронавирус жок” деген ишеним менен көчөгө чыккандардын саны көбөйүп, жергиликтүү башкаруу бийлигинин өкүлдөрү, Талас шаардык үй бүлөлүк дарыгерлер борборунун башкы врачы А.Шамбетова жергиликтүү телеканалдар аркылуу элди үйдө карантиндин шарттарын сактап олтурууга чакырды.
Көчөдө көбөйгөн элди азайтуу максатында Талас шаарынын борбордук аянтына, базарга өтүүчү жолдор жабылып, Covid-19 вирустук илдетинин алдын алуу аракеттери жасалууда.
— Жолдорду оорунун алдын алуу үчүн жаап жатышат, бул жакшы бирок, көпчүлүк аптека, магазиндер негизинен базар тарапта болгондуктан машина менен өтүүгө мүмкүнчүлүк болбой калды, -дейт Талас шаарынын тургуну Д.Давлетказиев.
Талас шаарына батыш, чыгыш тараптан кире турган негизги жолдордун баары жабылып, блок посттор коюлган.
Ал эми бейөкмөт уюмдар жана демилгелүү жарандар “Сорос-Кыргызстан” фондунун “Жарандык биримдик демилгеси” долбоорунун алкагында блок постторго мониторинг жасап байкоо жүргүзүшмөкчү.
Даярдаган : Мира Сейдикеримова , Кундуз Мырзалиева
Үстүбүздөгү аптанын шейшемби, шаршемби күндөрү Улуттук Кызыл Ай коомунун Таластагы филиалынын жетекчиси Дилдекан Шадыбекова баштаган кызматкерлери, волонтерлору өздөрүнүн тизмесинде турган жардамга муктаж үй бүлөлөргө, туберкулез дарты менен ооруп жана ВИЧ илдетинен жабыркап каттоодо турган жарандарга күнүмдүк керектелүүчү тамак-аш, азык-түлүктөрдү таратышты.
Ошондой эле Талас облустук СПИД оорусунун алдын алуу жана күрөшүү борборуна катталган бейтаптар дагы көңүл сыртында калбай, аларга арналган 25 даана азык түлүк толтурулган баштыкчаларды беришти.
Даярдаган: Мира Сейдикеримова
БУУнун Калкты жайгаштыруу фондунан жардам
Таажывирусунан сактануу учурдагы эң олуттуу маселелердин бири. Илдеттен сактануу максатында карантиндик мөөнөт үстүбүздөгү айдын аягына чейин улантылды.
Оору коркунучун алдын алуу максатында мамлекетибизде көптөгөн иш чаралар жүргүзүлүүдө. Мамлекеттик гана эмес бейөкмөт уюмдар, дүйнөлүк донорлор бул маселеге олуттуу көңүл буруп жатат. БУУнун Калкты жайгаштыруу фонду (ЮНФПА) менен биргеликте Кыргыз Республикасынын Саламаттыкты сактоо министрлигине колдоо көрсөтүү максатында Талас облустук обсервациясында жайгашкан бейтаптарга гигиена шаймандары Талас облустук үй бүлөлүк дарыгерлер борборуна өткөрүлүп берилди.
Сапат Кыздар лицейиндеги бейтаптарга 50 даана, Бакай-Ата районундагы №41 лицейинде жайгашкан бейтаптарга 50 даана, Манас районундагы Улукман лицейиндеги бейтаптарга 50 даана, Манас районундагы жугуштуу оорулар бөлүмүндөгү бейтаптарга 50 даана, Кара-буура районундагы Т.Бабанов атындагы лицейиндеги бейтаптарга 50 даана, Талас районундагы Манас лицейине 50 даана – жалпысынан 300 даана гигиена шаймандары тапшырылды.
Мындан сырткары Талас облустук Ч.Мамбетов атындагы борборлоштурулган ооруканасына 100 даана бир жолку колдонуучу коргоочу кийимдер, 30 даана коргоочу каскалар, 100 дана медициналык чепчиктер, 30 даана желим кол каптар жана 100 даана медициналык мээлейлер жалпысынан алганда 360 коргоочу каражаттар берилди.
Даярдаган: Мира Сейдикеримова
Талас шаарындагы жергиликтүү депутат кайрымдуулук акциясын уюштурду.
Талас шаардык кеңешинин депутаты Аскар Шабданов кайрымдуулук демилгесин көтөрүп, талас шаарындагы 10 үй бүлөнү бир айлык азык түлүк енен камсыз кылды.
Ун, күрүч, макарон, май жана шекер сыяктуу күнүмдүк турмушубузга эң керектүү азык-түлүктөрдү алып берген депутатка жардам алып кубанган үй бүлөлөр чоң ыраазычылык билдиришүүдө.
Талас облусундагы бейөкмөт уюмдардын WhatsApp группасына ким канча жардам берип жатканы тууралуу күн сайын жарыяланып, кайрымдуулук көрсөткөн жарандарга,жеке ишкерлерге, жергиликтүү депутаттарга соцтармактар аркылуу алкыш айтылып, жарандардын бири бири колдоосу күчөгүнү байкалууда.
Даярдаган: Мира Сейдикеримова, Кундуз Мырзалиева
Апрельской революции — 10 лет.
К десятилетию Апрельской революции 2010 года в честь погибших героев из Таласской области были возложены венки родителями и близкими , представителями областной администрации. Общественное обьеденение «Баатрыларга Таазим» которое было создано по инициативе матери Айылчиева Эмиля готовят к изданию книги «Баатырларга Таазим» а также будет создан сайт aprel7.com.kg где будет опубликован документальный фильм , фотографии и краткая информация о героях.
Фото сюжет:
ЖОЛЧУБЕК УУЛУ УРМАТ
ОГОМБАЕВ ЖЫЛДЫЗБЕК
РЫСПЕКОВ ТААЛАЙ КЕНТОНОВИЧ 1958-2010
САТЫБАЛДИЕВ БЕКБОЛСЫН 08.03.1961-07.04.2010
ҮСӨН УУЛУ ДАСТАН 01.01.1990-07.04.2010
Подготовила: Кундуз Мырзалиева
Таластык аз камсыз үй бүлөлөргө жана жардамга муктаждарга Жогорку Кеңештин спикери Дастан Жумабеков 50 тонна ун жана башка азык-түлүктөрдү жөнөткөн. Учурда Талас облусундагы төрт район жана шаардагы аз камсыз, көп балалуу үй бүлөлөргө, жалгыз бой карыяларга жана жалпы жардамга муктаждарга ун жана башка азык-түлүктөр тизме боюнча таратылып берилип жатат.
Карантин күндөрү үйдөн чыга албай, күнүмдүк зарыл керектүү тамак ашка жетпей жаткан муктаж адамдар үчүн бул чоң жардам, моралдык колдоо болуп, ун жана башка азык түлүктөрдү алган көпчүлүк эл Дастан Жумабековго жана Жумабековдордун үй бүлөлөрүнө чоң ыраазычылык билдиришүүдө.
Даярдаган: Мира Сейдикеримова
JIA ишкерлер ассоциациясы Кыргызстан боюнча “Апаатка такаат” долбоорун ишке ашырып, коронавирус илдети таралуу коркунучу жаралып жаткан учурда карантинде жаткан элдин аялуу катмарына колдоо көрсөтүп жаткан учуру.
Таластагы JIA ишкерлер ассоциациясы менен “Элим барсыңбы” фондусу биргеликте, жана жергиликтүү ишкерлер жалгыз бой карыяларга, аз камсыз үй бүлөлөргө керектүү азык түлүктөрдү таратып жатышат.
Ошондой эле карантиндик күзөттүк чекте турган 90 кызматкерге 3 күн ысык тамак беришти. Талас облусу боюнча 7000 бет каптарды таратып беришти, 40 даана атайын медициналык формаларды ооруканаларга тапшырып, санитардык-эпидемиологиялык көзөмөлдөө борборуна 5 даана, облустук Жаштар кеңешинин жаш ыктыярчылар тобуна 15 даана дары чачуучу жабдыктар менен камсыздашты.
“Апаатка такаат” социалдык долбоорун ишке ашырып жаткан JIA ишкерлер ассоциациясынын Талас облусу боюнча 45тен ашуун мүчөлөрү бар.
Дярдаган: Кундуз Мырзалиева