Элдик кабарчынын юбилейин майрамдоо

Бүгүн бизде чоң майрам. “Радиомост” үналгысынын  элдик кабарчысы Гүлайда Теишованын 60 жаш юбилейин майрамдап жатат.

Жалпы жаамат жана өнөктөштөр Гүлайда Теишованы 60 курак туулган күнү менен куттукташты.

Гулайда эжеге!

Туулган күнүңүздө көп маанилүү, жагымдуу сөздөрдү айтып, жакшы тилектерди тартуулагыбыз келет. Жашооңуз өргө чыга берсин, өмүр жолунда жакшылыктар көп болуп, сизди бийик чокуга жеткирип жөлөк болчу адамдар жаныңызга жолдош болсун, баскан жолуңуз акыл-тажрыйбаңызды өрчүтсүн. Чың ден-соолук, жаркын маанай каалайбыз. Жашооңузда түйшүгүңүз аз болсун, куунак кундөр көп болсун, ар бир тилеген тилегиңиз оорундалып, ойлогон максатыңызга жете бериңиз. Жүзүңдөн жылмаюу кетпесин, иштеген ишиңиз жаңы ачылыштарга дем берсин. Дагы бир жолу туулган күнүңуз менен куттуктайбыз! Бул күн бардык каалоо-тилектериңизди аткарылчу, күтүүсүз белектерди алып келе турган күн болсун.

Даярдаган: Жалпы «Радиомост» уналгысынын жалпы жааматы

Сүйүү күнүнө арналган акция.

14-февраль күнү “Кырк-Чоро” кинотеатрынын кире бериш кеңсесинде сүйүү күнүнө арналган акция болуп өттү

Акция “Кулпунай” кондитердик үй тарабынан уюштурулду. Ал жака Талас элинин тургундары келип, акысыз кондитер үйүнүн таттуу тортторунун даамын татып кетишти. Жана дагы тургундарга ар кандай оюн уюштурулду.

“Кулпунай” кондитердик үйүнүн кожойкеси Асел Куттубаеванын айтымында:

“Биз буга чейин эң биринчи ачылганда чакан презентация өткөрүп, акция жүргүзгөнбүз. 14-февраль күнү эл менен таанышайлы деп, дагы бир презентация өткөрдүк. Акциянын максаты элге кененирээк өзүбүздү жайылтуу. Жана кичинекей майрам болсо дагы,Талас тургундарына майрамдык маанайды тартуулоо. Биз абдан Талас элине жана конокторго ыраазы болдук, себеби акция кечинде өткөнүнө жана эшикте кар жааганына карабастан көп адам келип катышышты,”- деп билдирди.

Бул акцияга келген Талас тургундары жакшы маанайда майрамдап, ыраазычылыгын билдирип жатышты.

Талас тургуну Гүлшан Муханбетованын айтуусунда:

“Бул акция жөнүндө инстаграм баракчасынан көрүп келгем. Жана акция өз койгон максаттарына жетип, ошондой эле жогорку деңгээлде өттү деп ойлойм. Торттордун түрлөрү абдан көп болду, баардыгынан даам татып көрдүм. Алар абдан даамдуу, кооз жана ар бир торт өзгөчө фантазия менен жасалыптыр. Бирок мага жаккан “Олжобай менен Кишимжан” жана “Сахара” деген тортторду таңдап, сатып алдым”,- деди Гүлшан Муханбетова.

“Мен бул акция жөнүндө “Радиомост” үналгысынан угуп келгем. Торттордун даамы таттуу, бизге аябай жакты. Биз “Коко” деген тортту сатып алдык. Акция эң жакшы маанайда өттү”,-шаар тургуну Мээрим Сагынбаеванын айтымында.

Даярдаган: Саадат Нуржанова

                    Сезим Эшанкулова

Радиомост, Талас

 

 

 

Федералдык таэквандо “ITF”

Талас шаарында таэквандо биринчи жолу ачылды. Бул спорттун түрүнө бир гана балдар барбастан, кыздар дагы барышат

“Алихан” спорт залынын таэквандо боюнча машыктыруучусу Урмат Мамыровдун айтымында:

“Ачылганыбыздын максаты Талас шаарынын жаш спортчуларды республикалык жана  областык деңгээлине чыгарсак деген тилектерибиз бар. бул жакка бир гана балдар келбестен, кыздар дагы келип жатышат. Декабрь айында ачылганыбызга 15 кун болгондо Бишкек шаарында мелдеш болуп өтту, ал жакка Талас облусунан 4 бала чыкты. Алардын ичинен 3 балабыз учунчу орунга, ал эми  бир кызыбыз экинчи орунга ээ болду. Буйруса алдыдагы мелдештерде жакшы эле жетишкендиктерге жетебиз деген үмүттөбүз. Ал эми алдыга койгон максатыбыз биздин жаштарыбыз бангизат, тамеки  жана башка ден-соолукка зыяндуу нерселерден алыстатуу жана сергек жашоого чакыруу”,-деп айтты.

Ал эми аз убакытка карабастан ийгиликтерди көрсөтүп жаткан Жылдыз Качкынбекованын айтымында:

“Менин агаларым таэквандого катышат,  аларды көрүп мен дагы кызыгып катышып жатам. Ал эми азыркы убакта менин ийгиликтерим жок, ийгиликтер али алдыда”,-деп белгилеп кетти.

Жылдыз Качкынбекованын атасы Бакытбек Мамыровдун айтымында:

“Менин кызым өзү кичинесинен эле катышам деп жүрчү. Катышканы мени, албетте,  канаттандырат  анткени мен ойлойм спортко катышса өзүнө эле жакшы деп”,-деди ал.

Ал эми 13 жаштагы Адил Качкынбеков жаш спортчунун айтымында:

“Менин жетишкен ийгиликтерим Кыргыз Республикасынын 5 жолку чемпиону жана эл аралык  мелдештердин 3 жолку чемпиону болгом, эң акыркы кубок надеждыны алгандан кийин мен “Кондидант мастера спорта” алдым. Бул спорттун түрүнө мага апам түрткү болду, мени кичинемде таэквандого апам алып барып журчу, ошодон кийин өзүмдүн кызыгуум пайда болуп катыша баштадым”,-деп белгилеп кетти.

Даярдаган: Сезим Эшенкулова

Радиомост, Талас

 

 

21-февраль “Эне тил” күнүнө карата семинар өткөрүлдү.

Талас шаарындагы А. Чолпонкулов атындагы №1 орто мектебинде Талас облусунда баардык мектептердин тарбия завуч мугалимдерине арналган семинар болуп өттү

Төмөндө аталган мектептин тарбия завучу жана ошондой эле семинардын уюштуруучусу Райыма Расылкановна кенерирээк айта кетсе:

“Негизги максаты мугалимдердин иш тажрыйбасын жайылтуу. Бүгүнкү семинар 4 темада өтүлдү. 1-темасы “Даңктайм сени эне тил”, 2-темасы “Эр жигит эл четинде, жоо бетинде”, 3-темасы “Жакшы китеп жаш шеригим” жана “Кулк мүнөзүңдү билесиңби?” тарбиялык саат ал эми 4-темасы “Музыкалык кече”. Бүгүнкү семинарга райондордун мектептеринин уюштуруучулары келишти, саны 35. Мугалимдердин бул жакка келген себеби тажрыйба алмашуу. Жана мен бүгүнкү семинарды жакшы деңгээлде өттү десем болот. Себеби, окуучулар форма менен келишип, активдүү катышышты”,-деп айтты.  

Ал эми семинардын катышуучусу Гулкайыр Мусаевнанын айтымында:

“Мен Бакай-Ата районунан келдим. Семинар жакшы деңгээлде өткөрүлүп жатат. А. Чолпонкулов атындагы №1 орто мектебинин окуучулары абдан активдүү катышышат экен”,-деп билдирди.

Даярдаган: Айнуру Керимбаева

Радиомост, Талас

Кыргыз Мамлекеттик медициналык кайра окутуу жана билим деңгээлин жогорулатуу институту.

С. Б. Данияров атындагы Кыргыз Мамлекеттик медициналык кайра окутуу жана билим деңгээлин жогорулатуу институту үй-бүлөлүк дарыгерлердин  борборунда үй-булөлүк дарыгерлерди, ФАПтын фельдшерлерин  жана үй-бүлөлүк  мед айымдардын билим деңгээлин жогорулатууда

Талас облусунда окутуучу борбор үй-бүлөлүк дарыгерлерге, ФАПтын фельдшерлерине жана үй-бүлөлүк  мед айымдарга бир жумалык семинар өткөрүлүп жатат. Ал эми окутуучу борборунун ассистенти Мунайым Сейдалиева кенерирээк айтып берсе:

“Биз  Бишкек шаарындагы  Кыргыз институтунун филиалы болобуз.  Негизи биздин филиал 2001-жылы ачылган. 18 жылдан бери биз үй-бүлөлүк дарыгерлерге, мед айымдарга жана  ФАПтын фельдшерлерине ар бир жылы бир жумалык семинар өткөрүп окутуп турабыз. Биздин негизги максат бул мед айымдардын жана үй-бүлөлүк дарыгерлердин медициналык  дээңгелин көтөрүшүбүз керек”,-деп айта кетти.

Ал эми семинардын катышуучусу Нүргүль Аманкулованын айтымында:

“Мен Бакай-Ата районунан келдим. Мен бул семинардан пайдалуу нерселерди абдан ала алдым. Бул бир жумалык семинардан биз окуу билим жана медициналык дңгээлибизди жогорулатып жатабыз”,-деп билдирди.

 

Даярдаган: Айнуру Керимбаева

Радиомост, Талас

 

Кош бойлуу аялдарга акысыз берилүүчү ММК Полиси.

Кыргыз Республиканын өкмөттүнө караштуу медициналык камсыздануу фондунун кош бойлуу аялдарга акысыз берүү ММК Полиси берилет

Кыргыз Республиканын өкмөттүнө караштуу медициналык камсыздануу фондунун Талас аймактык башкармалыгынын жетекчи адиси Эльмира Сулайманкулованын билдирүүсү боюнча:

“Бизде көбунчө кош бойлуу аялдардын каны аз болот. Ошондуктан төрөгөндөн кийин ымыркайдын дагы каны аз болуп калышы мүмкүн. Ошол учун фонддо ММК Полиси чыгарылат. Ал кош бойлуу аялдарга бекер берилет. Кош бойлуу аял аны алгандан кийин дарыканаларга барып, дарыларды жеңилдетүү менен алыша алат. Кепилденген 200дөй дары-дармек каражаттарынын тизмеси “ММКнын Кошумча программасы жана Мамлекеттик кепилдиктер программасы боюнча орду толтурулуучу дары-дармек каражаттарынын маалыматнаамасында” келтирилген, бул маалыматнаама врачта, дарыканада жана ММК фондунун сайтында бар. Маалыматнаамада башка дары-дармек менен катары төмөнкү каражаттары бар: фолий кычкылы, кош бойлуулуктун биринчи уч айлыгында кабыл алуу зарыл болгон, курамында йоду бар препараттар, ошондой эле кош бойлуу аялдардын аз кандуулугунун алдын алуу үчүн темир препараттары. Кош бойлуу аялдын кан аздуулугуна профилактика жүргүзүүгө үй-бүлөлүк дарыгерлер дары жазып беришет. Андан тышкары Полис аркылуу башка дарыларды дагы сатып алышса болот жана кийин төрөгөндөн кийин кош бойлуктан сактаныш учун дарылар бар. Ал эми кан аз болгон жөнүндө айта кетсем, жакшы дарылаш керек. Себеби, кан аз аялдарга бул доо кетирет да жана аябай коркунучтуу болуп кетет. Мисалга айтсам, төрөт учурунда кан кетиши мумкун, андан тышкары эненин курсагын дагы баланын өсүшү начарлайт. Андан тышкары толгоо учурунда толгосу туура эмес жүрүшү мүмкүн, төрөттөн кийин кан агышы мумкун”,-деп айтты.

Даярдаган: Айнуру Керимбаева

Радиомост, Талас

Баскетбол спорту жакшы ийгиликтерди жаратууда.

Талас шаарында“Бакубат”баскетбол тобу 2016-жылы ачылгандан баштап биринчи орундарга ээ болууда жана чоң ийгиликтерди жаратууда.

“Бакубат” тобунун катышуучулары өз ойлорун айта кетишти:

“Мен Нурболот Дүйшөнбеков азыркы учурда “Бакубат” тобунун капитаны болом.Катышканыма үч жыл болду,ушул үч жылдын ичинде көп эле ийгиликтерге жетиштим.Бул спортко мен мурдатан эле кызыкчым анан эле катышып баштагандан кийин,мен үчүн адатка айланып кетти”,-деди ал.

“Мен Дастан Замирбеков,9-классынын окуучусу болом.Баскетболго катышканыма 3 жыл болду.Баскетболго мени алгач досторум алып келген, анан өзумдүн кызыгуум менен катышып кеттим”,-деп белгилеп кетти.

“Бакубат” тобунун машыктыруучусу өз пикирин айта кетти:

“Мен Эркин Байболсунов Талас шаардык спорт мектебинин машыктыруучусу болом.Бизде 4 группа бар 15 баладан,баардыгы биригип 60 баланы түзөт.Мен алгач кыздар менен иштеп баштагам,алар Талас облусу боюнча эки жолкусунда тең экинчи орунга ээ болушкан, ал эми азыркы учурда балдар менен иштешебиз.Балдар үч жылдан бери биринчи орунга ээ болууда.Алдыга койгон максатым ушул Талас облусунда баскетболдун өнүгүүсүнө чоң салым кошкум келет жана ошондой эле Республикалык масштабтагы баскетболдук мелдештерде алдынкы орундарды алуусуна тилектешмин”,-деп айтып кетти.

Даярдаган:Сезим Эшенкулова

Радиомост,Талас

 

 

 

Сетевой маркетинг деген эмне? Алдообу, амалбы же?…

Дегеле биздин коомдо “сетевой маркетинг”, пирамида, ар кандай депозиттер, бат байуунун жолдорун көрсөткөн ар кандай уюмдар, жаңы терминдер, жаңы түшүнүктөр кийинки убакта өтө тездик менен өрчүүдө.

Дегеле биздин коомдо “сетевой маркетинг”, пирамида, ар кандай депозиттер, бат байуунун жолдорун көрсөткөн ар кандай уюмдар, жаңы терминдер, жаңы түшүнүктөр кийинки убакта өтө тездик менен өрчүүдө.  Анда эмесе жогорудагы биз үчүн чооң убадаларды берген ар кандай финансылык пирамидалар  жөнүндө сөз кылалы. Чү дегенде эле баарыбызга түшүнүктүү болушу үчүн тарых таржымалынан жана алгачкы түзүлгөн схемаларынан баштайлы.

Понци схемасы

Бул: «классикалык» пирамида аны  Чарлз Понци атуу  адам ойлоп таап  Америка Кошмо Штаттарынын биринчи каржы пирамидасын түзгөн. Бул пирамиданын башка пирамидалардан айрымасы атайын түзүлгөн схема  иштейт. Маселен көп баскычтуу пирамидалардан айырмаланып жаңы кардарларды аркасынан жаздыртуу кардарларды тартууну жана  табуунун кереги жок,  себеби бул жерде жарнаманын жардамы чоң болот. Мындай пирамидаларга  жарнамадан угуп алып, жаңы кардарлар келе баштайт. Ар бир келген кардарга дивиденттер төлөнө баштайт бирок, бул пирамиданын түзүүчүсү өз кардарларын алдаганы аныктала баштаганда алар өздөрүн банкрот жарыялап, элден түшкөн каражаттарды алып көздөн кайым болушат.

 

Көп баскычтуу пирамида схемасы

Көп баскычтуу пирамида схемада биринчи эле талап жаңы адамдарды тартышыбыз керек жана  ар бир жаңы кардар салым акысын төлөөгө тийиш. Андан кийин  ал адамдардын аркасынан да  бир нече адамдарды чакыруу зарылдыгы айтылат

Эреже катары, чү дегенде эле канча адам тартсаң ошончолук айлык акыңдын өсүүсүнө алып келет деп билдиришет.

Бул схема биринчи келген катышуучуларга өтө тездик менен абдан чоң киреше алып келет. Бирок, канчалык тездик менен өссө ошончолук тездик менен түшүп кетет.себеби: акча салуучулардын саны геометрикалык тездик менен өйдөгө өсүүсү өтө зарыл. Бул пирамиданын тагдыры жана келечеги толугу менен кыйрап, алгачкы салым кошкондор гана акчалуу болуп, калгандары арызданып, ыйлап кала беришет а уюштуруучусу өзүн өзү банкрот жарыялап же качып жок болот.

20-кылымда дүйнөнү дүңгүрөткөн ири пирамида схемалары

 

Джон Ло Пирамидасы

Дүйнөдөгү эң чоң пирамидалардын бири 1716-жылы Шотландиялык Джон Ло аттуу жаран ойлоп тапкан жана ал өзүнүн схемасын Франциядан баштаган . Ал 1716-жылы ошол кездеги Франция өкмөтүнүн коргоосунун негизинде жеке менчик банк ачып, ал жерден акцияларды чыгарат. Ошол убакта өзү чыгарган акциялардын бир даанасы 500 ливрга барабар болот (ливр-Францус акчасы). Анын чыгарган акциялары өтө тездик менен баасы көтөрүлүп, 1-даана акциясы 15000 (он беш миң) ливрга чейин жеткен. Бирок салымдарын кошкон кардарлардын көпчүлүгү Джон Лонун акциялары эч кандай пайда алып келбегенин билип калышып акциясынын наркы тездик менен төмөндөп, 1720-жылы Джондук акциялары нолго барабар болгон.

 

Мейдофф алдамчылык пирамида системасы

Дүйнөдөгү эң ири жана узак мөөнөткө иштеген пирамидасы болгон. Бул пирамиданын уюштуруучусу  атактуу финансист Бернард Мейдоф болгон. Ал 1960-жылы  Madoff Bernard L. Madoff LLC аттуу инвестициялык фонд түзүп, анын кирешеси 12-13% дан түшө баштаган

Эң кызыгы  Бернард ири жана белгилүү эл аралык NASDAQ  биржасынын төрагасы болгон. Ошон үчүн Бернардга көптөгөн миллионер кардарлар ишенип, 3-миллиондон ашык кардарлар ага акча каражаттарын салышкан .Бернарддын ири пирамидасынын ураар алдындагы акыркы күндөрүндө анын жүгүртүүсүндө  17 миллиард доллар болгон. Жыйынтыгында Бернардын алдамчылык системасы аныкталып, миллиондогон адамдардын акчасын алдап кеткендиги үчүн 150-жылга эркинен ажыратылган. Бул пирамида 1960-жылдан 2008-жылга чейин ишин алып барган.

 

 

 

Ал эми өзүбүздүн эле Орусияда ачылган белгилүү МММ – инвест пирамидасына токтоло кетели

 

Мавроди Сергей  башында турган  өлкөнүн ири каржы пирамидасы болгон. Ал 1989-жылдан бери эле бар болгон жана соода каржылык иш алып келген. 1992-жылы, «МММ-Invest» катары кайра каттоодон өтүп 1994-жылы акцияларын чыгара баштайт ар бир акциянын баасы 1000 рублга чейин чыгып, 4-жылдын ичинде наркы 127 эсеге өскөн. Бирок, мамлекет бул система жакшылыкка алып келбеерин байкап, МММ-аракеттерин чектей баштаган. Ошентип МММ – инвести 1997-жылы өзүн өзү банкрот деп жарыялап, аманат акчаларынын берилүүсу кан буугандай токтогон. Айта кетчи маселе Мавродий 3-4 жылдын аралыгында Россия мамлекетинин думасына да Эл өкүлу болуп шайланган. Бүгүнкү күнгө чейин аманатчылардын так саны белгисиз бойдон калууда болжолдуу аманатчылардын саны 2-миллиондон 15-миллионго чейин болгон деп айтылып жүрөт.

 

Финансы пирамидасын кантип аныктаса болот.

Каржы пирамидасына негизги көрүнүштөрдү көрүп. каржылык пирамида таануу төмөнкү негиздер боюнча болушу мүмкүн:

  1. Сатыла турган товардын жоктугу— жөн эле олтуруп алып, каражат табууну сунушташат.
  2. Башчысы ким экени белгисиз — Уюштуруучу ким экени белгисиз жана ал өзүн белгисиз бойдон калууну каалайт.
  3. Түшүнүксүз схема — уюштуруучу пирамидасынын же маркетингинин схемасынын жыйынтыгы кандай болот?, акчалар кайсы даталарда төлөнөт?, канткенде пайда табам деген суроолорго так жооптун жоктугу.
  4. Ири суммадагы акча каражаттарын төгүү – Бул пирамида сенин төкөн каражаттарынан жашайт деген аракет.
  5. Кирешелердин өтө тез көбөйүшү жана салган акча салымынды эки жуманын ичинде алып кетесиң- Мындай убадаларды шылуундар гана береерин унутпоо зарыл.
  6. Кирешелерге кепилдик берүү – Мындай кепилдик базар экономикасынын туруксуз болуп турган учурда кирешелерге кепилдик берүү мүмкүн эмес,
  7. Товардын кымбат баада болушу— Сизге сунушталып жаткан товардын 100 грамын 5000 сомго сунуштаса, ошол эле жазалган товардын базар баасы 1-килограмын 500- сомго алаарыңызды унутпаңыз.

 

Канткенде пирамидалык схемаларды алдын алса болот?

Ар бир салымды салаардан мурун төмөндө турган  бир нече суроолорду берип тактоо зарыл болот

  1. Бул уюмдун ачык-айкындуулугу кандай? Эмненин негизинде каржы табасыңар?
  2. Уюм канча жылдан бери өз ишин жүргүзүп келет? Канча аманатчылар бар? Канча аманатчы ийгиликтүү?,  алданган аманатчылар барбы?
  3. Канчалык денгеелде салган аманаттар күйүп кетпешине кепилдиктер бар?, Эгер кандайдыр бир жагдайда салган аманаттарыңызга зыян тийсе кайра кайтарып берүүгө кандай кепилдиктер бар?
  4. Эмне үчүн баштапкы төгүлө турган акча төлөнөөрүн билүү зарыл жана Сиз төлөгөн акча каражаттары кандай жол менен коротулат? Же дагы башка нерсе барбы?-деген суроону сөссүз берүү зарыл.
  5. Акыркы 1-2 жылда кандай иштер жасалган. Мамлекеттик төлөмдөргө канча каржы төлөнгөн.

Албетте бул баардык бериле турган суроолор эмес. Мындан тышкары да көптөгөн суроолор берилиши шарт.

Урматтуу окурман, пирамидалар боюнча ар кандай кызыктуу маалыматтар жана биздин Кыргызстанда пирамидаларда иштеп кандай жыйынтыкка келгендери?, эмне тапканы?, өкүнгөндөрү тууралуу маалыматтар жана акча каражаттарыңыздарды төгүп алып ала албай калсаңыз эмне кылуу керек экени кийинкиде болсун.

Даярдаган: Шамиль Мурат

Радиомост, Талас

Сүрөттөр жана кээ бир маалыматтар интернет булактарынан алынды

 

“Мээрим” жалпы билим берүү лицей кыздары жакшы ийгиликтерди көрсөтүүдө.

Талас шаарындагы  “Мээрим” жалпы билим берүү  лицей кыздары жакшы ийгиликтерди көрсөтүүдө жана сапаттуу билим берүүдө

Сабактар так илимдер окуучунун англис тилин мыкты дээңгелде оздоштүрүү максатында, жалан гана анлис тилинде өткөрүлөт. Бул окуучуну SAT, TOEFL, IELTS  сыяктуу сынактарды жакшы тапшырууга абдан жардам берет. Ошондой эле математика, кыргыз тили, кыргыз адабияты сабактары тереңдетилип окутулат. “Мээрим” жалпы билим берүү  кыздар лицейинин мүдүрү Алтынбек Эркинбековдун айтымында:

“Талас “Мээрим” жалпы билим берүүлицейинде 2018-2019-жылдан баштап эмектенип келе жатам. Бүгүнкү күнгө чейин 458 бүтүрүүчү кыздарыбыз, дүйнөнүн алдынкы окуу жайларда билим алууда. Бир гана бул эмес шаардык олимпиадаларда дагы жакшы натыйжаларды көрсөтүп жатышат”,-деп айтты.

“Мээрим” жалпы билим берүү кыздар лицейинин англис тилинин мугалими Камила Апасова өз оюн айтты:

“Мен “Мээрим” жалпы билим берүү кыздар лицейин 2007-жылы бүтүрүүчүлөрдүн бири болгом. Окуучулар сабактан тышкары түрдүү тамак жасоо, комуз, кол онөрчүлүк сүрөт, кытай тили, бий, шахмат ушул сыяктуу ийримдерге катышууга мүмкүнчүлүк түзүлүп берет. Жана ошондой эле биздин лицейибизге алытан бери келип окушат”-деп билдирди.

Ал эми төмөндө аталган кыздар лицейинин бүтүрүүчүсү Бурмачач Нурадилова өз пикирин айта кетти:

“Мен бул “Мээрим” жалпы билим берүү кыздар лицейинде окуп жатканыма абдан сыймыктанамын. Себеби мугалимдер, тарбиячылар бизге татыктуу тарбия берип, ар тараптуу инсан болуп калыптануубузга жардам берет. Лицей окуучуларга терең билим берүү менен жаркын келечектин эшигин ачып берет”-деди.

Даярдаган: Айнуру Керимбаева, Амина Муратбекова

Радиомост, Талас

 

Жаштарды сергек жашоого тарткан-Бегимай.

№5 орто мектебинин 10-классынын окуучусу жаштайынан хореограф болуп алектенет жана Messтобун ачты

№5 орто мектебинин 10-классынын окуучусу Бегимай Темирбекованын айтымында:

“Негизи азыркы учурда хип-хоп жана k-pop аябай өнүгүп жаткан мезгили. Бирок, Таласта баары эле элдик бийди бийлеп жатышат. Ал эми Таласта заманбап бийдин түрү такыр эле жок, ошол себептерге байланыштуу ачтым. Азырынча демөөрчүлөр жок, студияны жана башка керектүү нерселердин баарын өзүбүздүн күчүбүз менен кылып жатабыз. Биздин “Мess” тобубузда тогуз кыз бар, ал эми окуучулардын саны 10дон ашат. Алдыга койгон максатыбыз Таласта заманбап бийи жок болгондуктан, биз Талас шаарын башка шаарларга жана башка өлкөлөргө тааныткыбыз келет”,-деди. 

“Мess” тобунун катышуучусу Дильназ Мамырбекова айтты:

“Катышып жатканыма 3 ай болот. Башка бийлерге караганда мага заманбап бийлери жагат. Буйруса алдыда чоң максаттарыбыз бар, жакында ишке ашат деген ойлор бар”,-деп билдирди.

Ал эми төмөндө аталган “Mess” тобунун катышуучусу Дильназ Мамырбекованын апасы Анаркан Карагулова өз ойун билдирди:

“Менин кызым “Mess” тобунун катышуучусу экени мени канаттандырат.  Себеби, кызым заманбап бийлерге абдан кызыгат”,-өз оюн айта кетти.

Даярдаган: Сезим Эшенкулова, Айнуру Керимбаева

Радиомост, Талас