Өрт кырсыгынан сактаналы!


Сүрѳт Интернет булагындан алынган

Өрт менен күрөшүү азыркы учурдагы курч маселердин бири. Тилсиз жоонун кесепетинен каза болгондордун, жапа чеккен адамдардын саны жылдан жылга өсүп жатат. Материалдык жоготуулар да абдан көп.
Мисалы, Талас районунда катталган өрт кырсыктарынын бири, 2020-жылдын 1-январь күнү Талас районунун Таш-Арык айылынын Манас көчөсүндө жайгашкан №14турак жайынынашканасында болгон.Ашканадагы 3 м2 аянтында керме шыптагы курулуш жыгач, пластик материалдарыөрттөн жабыркаган.


Сүрѳт Интернет булагындан алынган

— Каргашалуу өрт кырсыктары кайталанбашы үчүн төмөндөгү эрежелерди сакташыбыз зарыл:
— от жагылуучу мештин жана мор түтүктөрүнүн тешилип же болбосо жарылып кеткен жерлери болсо, шыбап же бүтөп кою керек, мор түтүктөрүн ар бир эки ай сайын тазалап туруу зарыл;
— үй эмеректери же бөлөк буюмдар мештен же электр жылыткычынан 50 см. кем эмес алыс аралыкта жайгаштырылышы керек, мештин от жагылуучу тарабынан аянты 70х70 см. болгон темир калай төшөлүшү керек;
— колго жасалган ачык спиралдуу электр жылыткычтарды колдонууга тыйуу салынат.
— электр жылыткычын түнкүсүн сайып уктабаңыз жана кароосуз калтырбаңыз;
— электр жылыткычын үйдөгү эмеректерге, пардага жакын жайгаштырбаңыз;
— электр энергиясына ашыкча күч келтирүүдөн качыңыз-бир убакта бир нече электр жабдыгын сайбаныз;
— электр жылыткычтын ток өткөргүчүн килемдин, паластын астына жашырбаңыз. Ошондой эле анын үстүнөн оор эмерек же башка оор нерсе менен бастырбаңыз. Бул анын сурулуп, жукарып кетишине жеткирет;
— эл. розетканы, жылыткычтын розеткага сайылган жерин, вилкаларын текшерип туруңуз. Эгер аларда кичинекей эле бир кемчилик болсо, дароо оңдотуңуз. Ошол эле учурда вилкалардын розеткага толук киришин көзөмөлдөңүз, болбосо вилкалар эрип, розетка күйөт да, бул өрттүн чыгышына алып келет.
Жогоруда көрсөтүлгөн эрежелерге көңүл кош мамиле жасабай так аткарсак өрт кырсыгынан алыс болобуз,- деп маалымат берди Талас районубоюнчаӨКБнүн ӨӨ жана ААБнүн башчасы, майор М. Баялиев.
“Сактыкта кордук жок дегендей”, өрт кырсыгынын алдын алыш үчүн отту колдонууда, тамеки чегүүдө, электр жылыткыч жана башка жабдыктарын колдонууда сак болсок, мештерди жана анын морлорун убактысында оңдоо иштерин жүргүзсок каргашалуу орт кырсыгынан оолак болобуз.

Даярдаган: Мира Сейдикеримова

Элдик жыйындар башталат

 
Сүрѳт Интернет булагындан алынган

Үстүбүздөгү жылдын 17-февралынан тартып айыл аймактарда элдик жыйындар башталат. Элдик жыйындарга Талас районунун акими З.Сыдыков, орун басарлары жана райондук мекеме-уюмдардын жетекчилери, ошондой эле КР Өкмөтүнүн Талас облусундагы ыйгарым укуктуу өкүлү жана орун басарлары, тийиштүү облустук мекеме-уюмдардын жетекчилери катышып, айыл өкмөттөрүнүн 2019-жылдагы социалдык-экономикалык өнүгүү багытында аткарылган иштери боюнча отчеттор тапшырылып жана 2020-жылга социалдык-экономикалык өнүгүүнүн приоритеттүү багыттары тууралуу кеңири сөз козголот. Ошону менен катар жергиликтүү ар кандай көйгөй-маселелер ортого салынып, элдин сунуш-талаптары айтылат.

Көпүрө-Базар айылында 17-февраль күнү саат 10.30да Р.Айдаралиев атындагы орто мектебинде, ушул эле күнү саат 14.00до Талды-Булак айлындагы М. Туйтунов мектебинде КР Өкмөтүнүн Талас облусундагы ыйгарым укуктуу өкүлүнүн орун басары жана ӨКМ Талас облустук башкармалыгынын, Жол чарба департаменти ТО №3 аймактык бөлүмүнүн, Талас бассейиндик суу чарба башкармалыгынын жетекчилеринин катышуусу менен элдик жыйын өтөт.
18-февраль күнү, саат 10.00до Ак-Сай айлындагы Ж.Огомбаев атындагы маданият үйүндө, Кара-Суу айылында саат 13.00до А. Карыпкулов атындагы орто мектебинде, саат 15.30да Жергетал айыл өкмөтүнүн Байсеит уулу Эшмембет орто мектебинде элдик жыйындар уюштурулуп, айыл эли менен КР Өкмөтүнүн Талас облусундагы ыйгарым укуктуу өкүлүнүн биринчи орун басары, ӨКМ Талас облустук башкармалыгы, усулдук билим берүү борборунун өкүлдөрү, жол чарба департаменти ТО №3 аймактык бөлүмү, Талас бассейиндик суу чарба башкармалыгынын жана облустук капиталдык курулуш башкармалыгынын жетекчилери жолугушат.
19-февралда Калба айылдык аймагында саат 10.00дө, Долоно айылындагы маданият үйүндө саат 13.00дө, Нуржанов айыл өкмөтүндөгү Жон-Арык айылындагы маданият үйүндө саат 15.30да КР Өкмөтүнүн Талас облусундагы ыйгарым укуктуу өкүлү М. Мураталиев жана ӨКМ Талас облустук башкармалыгы, усулдук билим берүү борбору, жол чарба департаменти, ТО №3 аймактык бөлүмү жана Талас облустук бассейиндик суу чарба башкармалыгынын жетекчилери катышат. Эскерте кетсек, Долоно жана Нуржанов айыл аймагында болуучу жыйындарга облустук капиталдык курулуш башкармалыгынын жетекчилери дагы катышат.


Сүрѳт Интернет булагындан алынган

20-февраль күнү, саат 10.30 Кууганды айылдык аймагында, К.Каимов орто мектебинде, саат 14.00до Арал айлындагы К.Нанаев орто мектебинде элдик жыйындар улантылып, КР Өкмөтүнүн Талас облусундагы ыйгарым укуктуу өкүлүнүн орун басары, Усулдук билим берүү борбору, жол чарба департаменти ТО №3 аймактык бөлүмү Талас бассейиндик суу чарба башкармалыгынын жетекчилери катышат. Ал эми Арал айыл аймагында өтө турган жыйынга облустук капиталдык курулуш башкармалыгынын жетекчиси катышмакчы.
21-февралда элдик жыйын сапары Бердике баатыр айыл өкмөтүндө улантылып, саат 10.30да К.Нурбеков мектебинде КР Өкмөтүнүн Талас облусундагы ыйгарым укуктуу өкүлү М. Мураталиев жана ӨКМ Талас облустук башкармалыгы Усулдук билим берүү борбору, жол чарба департаменти ТО №3 аймактык бөлүмү, Талас бассейиндик суу чарба башкармалыгы, облустук капиталдык курулуш башкармалыгынын жетекчилери менен айылдыктар жолугуша алышат.
Көй-Ой айылындагы маданият үйүндө 21-февралда саат 14.30да КР Өкмөтүнүн Талас облусундагы ыйгарым укуктуу өкүлү М. Мураталиев жана ӨКМ Талас облустук башкармалыгы Усулдук билим берүү борбору, жол чарба департаменти ТО №3 аймактык бөлүмү, Талас бассейиндик суу чарба башкармалыгынын жетекчиси элдик жыйынга катышат.
24-февралда Бекмолдо айыл өкмөтүндө Сасык-Булак айылындагы маданият үйүндө саат 10.30да КР Өкмөтүнүн Талас облусундагы ыйгарым укуктуу М. Мураталиев, ӨКМ Талас облустук башкармалыгы, усулдук билим берүү борбору, жол чарба департаменти ТО №3 аймактык бөлүмү, Талас бассейиндик суу чарба башкармалыгы жана облустук айлана чөйрөнү коргоо жана токой чарбасы башкармалыгынын жетекчилери элдик жыйынга катышып, айыл аймагынын жашоочуларынын суроолоруна жооп беришет.

Даярдаган: Мира Сейдикеримова

“Мыкты район” аталып, Өтмө Кызыл Тууга ээ болду

Сыйлык сыймык

2019-региондорду өнүктүрүү жана өлкөнү санариптештирүү жылына карата Талас облусунун социалдык-экономикалык өнүгүүсүнө кошкон зор салымы үчүн Кыргыз Республикасынын Өкмөтүнүн Талас облусундагы ыйгарым укуктуу өкүлчүлүгү тарабынан Талас району 2019-жылдын “Мыкты району” деп табылып, Өтмө Кызыл туу жана атайын диплом менен сыйланып, Ысык-Ата курортуна жолдомого ээ болду.


Талас райондук мамлекеттик администрациясынын аппарат жетекчиси Маратбек Ниясалиев Кыргыз Республикасынын Өкмөтүнүн Талас облусундагы ыйгарым укуктуу өкүлчүлүгүн “Ардак Грамотасы” менен сыйланды.
Ү.Өмүралиев айыл өкмөттүнүн башчысы Козубак Айталиев “Жылдын мыкты айыл өкмөт башчысы” наамы берилип, ал эми Калба айыл өкмөтүнүн башчысы Кадырбек уулу Эрниске “Ардак Грамота” тапшырылды.

 

Даярдаган: Мира Сейдикеримова

Өрт коопсуздугун сактоо боюнча интсруктаж жүргүзүлдү

Талас шаары боюнча ӨКБнщн өрт өчүрүү жана алдын алуу бөлүмчөсүнүн кызматкерлери, Талас шаарындагы борбордук базарында түзүлгөн өрткө каршы командасына жана сатуучуларга 2020-жылдын 11-февраль күнү
өрт коопсуздугун сактоо, өрттүү алдын алуу боюнча интсруктаж жүргүзүлдү. Өрт өчүрүүчү баллон (огнетушитель) менен иштөөнү жана алгачкы өрттү өчүрүнүн ыкмалары үйрөтүлдү.

Даярдаган: Челетиров Мишель

Алтынчы айлампада “Алганын” азаматтары атаандаштарын артка калтырды

6-февраль күнү Көк-Кашат айлында көкбөрү мелдеши болуп, анда Көк-Кашаттык “Алга” командасы 1-орунду жеңип алды.
Бул жолу мелдештин алтынчы айлампасы өткөрүлүп, Ак-Жар, А.Огомбаев, Көк-Кашат жана Калба айылынын 1985-жылкы жигиттеринен түзүлгөн көкбөрү командалары катышты.


Оюнду Беш-Таштан келген көкбөрүчүлөр менен Көк-Кашаттык “Алга” командасы баштады. Жыйынтыгында 6:1 эсебинде “Алга” утуп алды.
Андан кийин Ак-Жар менен Калба ойноп, калбалык жигиттер 3:2 эсебинде утуп алышты.
3-4-орунга Ак-Жар менен Беш-Таш ойноп, 3:2 эсебинде Беш-Таш командасы жеңишке жетишти.
Финалга Калба менен Көк-Кашат чыгып, 5:0 эсеби менен көк-кашаттык “Алга” командасы калбалыктарды таза утуп алды.
Көкбөрүнү сүйгөн көпчүлүк, сүрөөнчүлөр абдан көп болду. Мелдештин акырында 1-орунду алган командага 3000 сом, 2-орунду ээлегендерге 2000 сом, 3-орунга татыктуу болгондорго 1000 сом, ал эми калган командаларга 500 сомдон кызыктыруучу сыйлыктар берилди.
2019-жылы Манас айылында биринчи ирээт 1985-жылкы жигиттер арасында көкбөрү мелдеши өткөрүлгөн. Мелдешке Ак-Жар, А.Огомбаев, Кара-Суу, Манас, Арал, Үч-Эмчек, Көк-Кашат, Калба жана Чоң-Токой командалары катышып келишет.


— Мелдештин шарты жөнөкөй, эки улак союлуп, бир улак кийинки мелдешти уюштура турган айылга эстафета катары берилип, экинчи улакты мелдеш өткөргөн айылдын көкбөрүчүлөрү куурдак кылып жешет. Мелдеш баарыбыздын башыбызды бириктирип, айылдар аралык ынтымакты чыңдаганга, көкбөрү оюнун өркүндөтүүгө өбөлгө болот экен, деп кошумчалады “Алга” командасынын оюнчусу жана демөөрчүсү Эрнис Шамбетов.
Айта кетсек, “Алга” командасындагы көкбөрүчү жигиттердин оюнга кийе турган кийим-кечектерин Эрнис Шамбетов тиктирип берген.

— Манас айлында өткөн мелдешке тилекке каршы, катыша албай калганбыз. Кийин Ак-Жар айылынан 2-орун, Беш-Таштан 1-орун, Кара-Суу айылынан 2-орун, ал эми Калба айылында өткөн мелдештен 1-орунду алганбыз. Бүгүнкү мелдеште 1-орунду ээледик,-деди Көк-Куш атын алкынтып, алдыңкы оюнчулардын бири Надырбек Алкадыров. “Күлүктөн күлүк чыкса төрт аягы тыбырайт” дегендей, бир кылка мыкты оюнчулар жыйналган “Алга” командасында, топ жарган мыкты көкбөрүчүлөр бар.
Бул жолку оюнда Надырбек Алкадыров, Сыят Аманжанов, Замир Байызбеков тайказанга улакты көп салып, команданы алдыга сүрөштү.

“Алга” командасында 12 оюнчу бар. Алар:
1. Команданын капитаны Канат Иманбаев, минген аты Арбат.
2. Замир Байызбеков, көкбөрүгө чапкан күлүгүнүн аты Пакет.
3. Бектур Жуманалиев, минген аты Мустанг.
4. Замир Асымбаев, минген аты Зимар.
5. Шабданбек Акматалиев, минген аты Лазер.
6. Надырбек Алкадыров Көк-Куш аты менен мелдешке чыкты.
7. Эрнис Шамбетовдун минген аты Жарыкбаш.
8. Касен Тыналиев, минген аты Арматура.
9. Аманжанов Сыятбек, минген аты Жорго.
10. Айилчинбек Кожомуратов минген аты Чүкөбаш.
11. Марат Шаршеналиев минген аты Чагылган.
12. Заирбек Береналиев, менген күлүгү Каракуш.


“Алга” командасынын артыкчылыгы мелдешке жакшы даярдык, жаңы формалары менен чыгышты. Ал эми калган айылдардан келген командалар азырынча форма тиктиргенге жетише элек экендиги көрүнүп турду.
Көкбөрү эстафетасы катары союлган эки улактын бири Ак-Жардан келген командага берилди. Мелдештин жетинчи айлампасы күзүндө Ак-Жар айылында болмокчу.

Даярдаган: Мира Сейдикеримова

Гемодиализди жеңилдетилген шарт менен дарылоо жүргүзүлүүдѳ

Гемодиализ менен жеңилдетилген шартта дарылоо боюнча Кыргыз Республикасынын ѳкмѳтүнѳ караштуу милдеттү медициналык камсыздандыруу фондунун Талас аймактык башкармалыгынын башкы адиси Эришалиев Малик Муктарович маалымат менен бѳлүштү: « Терминалдык стадиядагы бѳйрѳктүн ѳнѳкѳт оруусу менен орууган гемодиализге ѳтѳ муктаж болгон бейтаптардын женилдетилген гемодиализге болгон жеткиликтүүлүгүн жакшыртуу максатында Кыргыз Республикасынын Ѳкмѳтүнүн Токтому менен 2016- жылдын апрель айынан тартып гемодиализ кызматын кѳрсѳткѳнгѳ жеке менчик ден- соолук борборлор иштеп жатышат. Бул жеке менчик борборлорго каржылоону республикалык бюджеттен каражаттар каралган. Жыл сайын милдеттүү медициналык камсыздандыруу фонду Кыргыз республикалык саламат сактоо министрлик тарабынан түзүлгѳн тизмеге ылайык гемодиализ кызматын кѳрсѳтүүчү жеке менчик медицина борборлору менен келишим түзүп, иштеп келүүдѳ. Биздин Талас облусунда 2019- жылда 164 бейтап гемодиализ менен жеңилдетилген шартта дарылоо менен камсыз болгон. Талас шаарында Vita med LTD деген жекеменчик фирманын филиалы казмат кѳрсѳтүүдѳ. Талас облустук орууканасынын бѳлүмү болуп эсептелинет , ѳнѳкѳт бѳйрѳк оруусуна чалдыккан орууларга дагы облустук оруукананын бѳлүмүндѳ жардам кѳрсѳтүлѳт. Мурунку кезекте ушул дарылоого муктаж болгон бейтаптар ѳздѳрүнүн чѳнтѳгүнѳн 550 сом тѳлѳп келишсе, бюджеттен 4700 сом каралып келген, ал эми 2019-жылдын ноябрь айынан тартып 4700 сомго дагы кошумча 550 сомду бюджет ѳзүнүн карамагына алып, оруулар үчүн сеанстар акысыз кѳрсѳтүлүп жатат. 2019- жылда биздин Талас облусунда 164 бейтапка 1351 сеанс кѳрсѳтүлгѳн. Бул тѳлѳнмѳ суммасын айта кетсек , Талас облусундагы бейтаптар, андан кийин башка облусунан келген бейтаптар дарыланган учурларга тѳлѳнгѳн суммасы 6349700 сомду түзѳт, ошондуктан мурда бейтаптар бир айда 12 гана сеанска чейин алышып, 13-14 сеансты ѳзүлѳр тѳлѳш керек болсо , азыркы убакытта 13-14 сеанска чейин биздин бюджет каржылап жатат. Биздин гемодиализ бѳлүмүндѳ иштегендер, Vita med LTD жеке менчик клиниканын бѳлүмүндѳ иштеген дарыгерлер , медайымдар гемодиализ алып жаткан бейтаптар үчүн баардык шарттар түзүлүп , дарылоого күч берилип жатат.

ДАЯРДАГАН: Копеко Валерия, Кундуз Мырзалиева

“Асель” бакчасында алгылыктуу иштер арбын

Көк-Ой айлындагы “Асель” бала бакчасында чилденин суук күндөрүнө карабай ремонт иштери кызуу жүрүп жаткан кези. Бакчанын ашканасы короого жаңы курулуп бүткөн ашкана имаратына көчүрүлүп, 3-февраль күнү жаңы ашканада ашпозчулар Күлүмкан Шаршенбекова, Назира Бейшеналиева биринчи жолу нан бышырып, тамак жасашты.


— Билим берүү министрлиги тарабынан 2019-жылдын этегинде 1 млн. сом акча каражаты которулуп, бул каражатка “Асель” бакчасынын ремонт иштери жасалууда. 1962-жылы ишке берилген эски бакча ремонтко абдан муктаж болуп турат. Көк-Ой чоң айыл болгондуктан бакчага кезек күткөндөр да аз эмес. Биздин планыбыз боюнча үстүбүздөгү жылы бакчада дагы ремонт иштери жасалат, -деп билдирди Көк-Ой айыл аймагынын башчысы Анарбек Кушубеков.
Үч жылдан бери бакча башчысы болуп иштеген Рысбек кызы Анара бакчадагы көйгөйлөргө токтолуп өттү:
— Биздин бакчабыз типтүү эмес бакча болгондуктан, көпчүлүк бөлмөлөр тар, балдарга ыңгайлуу эмес. Ошондой болсо да бакчаны кеңейтүүгө колубуздан келишинче аракет кылып жатабыз. 2019-жылы бакчада жакшы ремонт иштерин жасап алдык, 11 даана чоң пласстик терезелер салынды, ашкана, очоккана курулду, ортоңку тайпанын бөлмөсүнүн тактайлары оңдолуп, паркет төшөдүк. Эшиктин алдына, короодогу жолго брусчаткалар коюлду. Бүгүнкү күндө жумушчулар эски ашкананын ордун ремонттоп, дагы бир иш бөлмөсүн жасап жатышат. Негизи Ашканынын короого өзүнчө курулганы жакшы болду, анткени эшиктен киргенде эле тамактын жыты уруп, кире бериштеги ашкана ыңгайлуу эмес эле. Жаңы ашканага жанаша очоккана салынды. Кээде электр энергиясы өчүрүлгөндө короого казан асканга аргасыз болоор элек. Эми эки тай казан асыла турган, нан бышырганга да шарты бар очоккана салынып, көңүлүбүз тынып калды.
— 2020-жылы кандай иштерди жасайлы деп пландап койдуңуздар?
— Азыр биз айыл өкмөтү менен биргеликте АРИС программасына 6 млн. сомдук долбоор жаздык. Долбоорубуз колдоо тапса бакчага кошумча эки кабаттуу имарат салынат. Эскини эптеген менен улам бир жери жыртыла берет экен. Бакчанын дубалдары көчүп, полдун жыгачтары чирип түшүп, жамап-жаскап келатабыз. Балдарыбыз көп, бөлмөлөр аз. Жыйын залыбыз да жок, өзгөчө майрамдарда кыйналып келебиз. Жаңы кошумча имарат салынса, жаңы тайпалар ачылат.

“Асель” бала бакчасы 2019-жылы көрктөндүрүү-жашылдандыруу ишин мыкты жүргүзгөнү үчүн 1-орунду ээлеп, акимчиликтин “Ардак баракчасы” менен сыйланган. Короону мизилдетип таза кармап, түркүн гүлдөрдү өстүргөн бакча жамааты, бөбөктөргө жайкы аптапта сабак өтө турган эки бетон боз үйдүн ичин дагы өз колдору менен жасалгалап, улуттук буюмдардын, туш кийиздердин, ат жабдыктардын сүрөттөрүн тартышкан.


Бакчанын астанасын аттаганда эле совет мезгилинен калган кызыл топучан кыз менен карышкыр көзгө урунат. Бакча жаңы иштей баштаганда мамлекетибиздин ошол кездеги президенти Роза Отунбаева келип, кызыл топучан менен карышкырды бир гана ушул бакчадан көргөнүн айткан. Кезинде колдон колго өтүп, намазканага айланып, бир нече үй бүлөгө батирге берилип кеткен бакчанын багы ачылып, темир тосмо менен курчалып, балдардын күлкүсү жаңырган куттуу жайга айланды.

Бакчанын бакча болуп сакталып калышына маркум Жеңишбек Мадиевдин салымы зор, бакчаны талап тоногондордон коргоп убагында бекер кароолчу болгон Бийжанова Жакшылык апанын да мээнетин айтып кетпесек болбос.
Бүгүнкү күндө бакчада жогорку, орто, биринчи жана экинчи 4 тайпада 135 бала тарбияланууда. Бакчага балдарыбызды берсек деп, эки көзү төрт болуп кезек күткөндөр да көп.

Даярдаган: Мира Сейдикеримова

В Таласском лицее-комплексе иностранных языков проходит неделя по предмету географии

География- одна из древнейших наук. Она дает человеку выбираться из трудной ситуации без паники. Например: заблудился в незнакомом месте. География база для мировоззрения человека, в первую очередь география учит жить на земле. Благодаря географии человек учится как правильно пользоваться компасом, как понять где юг, где восток, где запад, а где север.
В школьные годы, во время урока географии, ученик часто задается вопросом «а зачем нужна география?»


Изучая географию, человек познает законы, по которым существует природа и современное общество. Ведь география изучает не только поверхность земли с ее природными условиями, развитие и размещение население в мире, международное отношения, глобальные проблемы и влияние человека на природу, помогает развитию экономики и науки.
Именно по этим причинам география является одним из обязательных уроков школе.


В городе Талас, в лицее-комплексе иностранных языков проходит «неделя географии»
Это мероприятие проходит в виде конкурса между классами. Суть самого конкурса в том, чтобы расширить знания учеников в области географии и увеличить интерес к мировоззрению.
Как же проходит это мероприятие?
Начиная с 3 февраля в течении целой недели каждый класс готовит презентацию по определенной теме. В понедельник идет соревнование между 8 классами, во вторник между 9 классами, в среду между 10 классами, в четверг между 11 классами

Каждому классу дается тема, по которой они должны готовится, к примеру: Америка, Европа, Азия или Австралия. В первую очередь оценивается то, насколько хорошо они подготовили данный материал. Еще одна интересная особенность, если классу, к примеру, дана тема «Европа», ученики должны одеть национальную одежду, некоторых европейских стран. Это делает конкурс более увлекательным. Если ученик одет в украинскую национальную одежду, то он должен произнести свою речь на украинском языке.

Ученики выразили свое мнение по поводу данного мероприятия: «Это мероприятие не только познавательное, но и увлекательное. Мы знакомимся с культурой и историей разных стран. Для каждого было интересно посмотреть на национальную одежду того или иного народа, было интересно послушать, как звучит той или иной язык. Мы также ознакомились с географическими данными и с богатствами животного мира определенного континента»,- поделились своим мнением Суюнтбек кызы Бактыгуль и Джакыпова Альбина.

Подготовила : Копенко Валерия,Бактыгуль Суйунтбекова

ТАБИГЫЙ КЫРСЫКТАРДЫН АЛДЫН АЛУУГА АРАКЕТ


Сүрѳт Интернет булагындан алынган

2019-жылы Талас райондук Жарандык коргонуунун мамлекеттик тутумунун мерчеминдеги иш чараралар аткарылып, табигый кырсыктардын кесепеттерин жоюу, алдын алуу боюнча жергиликтүү башкаруу органдары бир топ тажрыйба алышты. Бирок башкаруу органдарынын иштеринде өзгөчө кырдаалдардын кесепеттерин жоюу боюнча иш аракеттерди уюштурууда кемчиликтер бар. Күйүүчү майлоочу майларды, материалдык техникалык жана акчалай каражаттардын корлору тийиштүү деңгээлде түзүлгөнү менен өз убагында колдонулбай, жарандык коргонуу боюнча окутуу жана машыгуулар толук өткөрүлгөн эмес. Ошондой эле айыл аймактарда каралган «кол тийгизип акча каражаттарынын колдонулушу боюнча маалыматтар өз учурунда берилбей келет.


Сүрѳт Интернет булагындан алынган

ТАЛАС районунда 2020-жылдын 1-мартына чейин өзгөчө кырдаалдардын чыгымын төмөндөтүү багытында атайын алдын алуу иш чаралары бекитилип, күйүүчү майлоочу майлардын, кап, кум, шагыл корлору даярдалат. Райондун аймагында табигый кырсыктардын алдын алуу, анын кесепетинен жоюу иштерине өзгөчө көңүл бурулуп, кооптуу аймактарга мониторинг жана байкоолор жүргүзүлүүдө. Өткөн жылы Жарандык коргонуу иш чараларын жана өзгөчө кырдаалды алдын алуу иш чараларын жакшы уюштургандыгы үчүн Талас райондук суу чарба башкармалыгынын башчысы Дамир Аблабеков жана ДЭП 36 уюмунун райондук бөлүмүнө Талас районунун акими Алкыш жарыялады.

 

Даярдаган: Мира Сейдикеримова, Кундуз Мырзалиева