СПИД илдетинин алдын алууга аракет

СПИД илдетинин алдын алууга аракеттери боюнча Айылдык ден соолук комитетинин мүчөлөрү жана жергиликтүү массалык маалымат каражаттарынын  өкүлдөрү менен жолугушуу өттүү.

Талас шаарындагы “Кербен Палас” мейманканасынын жыйындар залында СПИД илдетинин алуу үчүн коомчулуктун аракетин күчөтүү максатында  Саламаттыкты сактоо министрлигинин алдындагы коммуникация бөлүмүнүн адистери    Айылдык ден соолук комитетинин мүчөлөрү жана жергиликтүү массалык маалымат каражаттарынын  өкүлдөрү менен жолугушту.

Жолугушууда СПИД борборунун Талас облусундагы өкүлү  2019-жылдын 11 айында 12374 киши текшерүүдөн өткөнүн айтып, учурда ВИЧ инфекциясы менен жабыркаган 135 адам учетко турганын анын ичинен  52си  аял, 78и эркек, 2сү 14 жашка чейинки балдар экенин, 32 адам каза таап, учурда 53 киши көзөмөлдө тураарын  айтып өттү.

Жолугушуунун негизги максаты СПИд боюнча элге маалымат жеткирүүнү күчөтүү болгондуктан Бишкектен келген адистер жергиликтүү журналисттер менен маалымат берүү багытындагы бир жылдык  медиа план түзүштү.  Журналисттер ой-пикирлерин ортого салып, калктын маалымдуулугун күчөтүү үчүн коомдук жайларда Лед-экрандардан  СПИДддин алдын алуу боюнча жүгүртмө жарнамалар коюлушу керектиги, ошондой эле акцияларга калктын калың катмары тартылышы керектигин, сүрөт көргөзмөсүн уюштуруу менен дагы элге түшүндүрүү иштерин жүргүзүү зарылдыгын айтышты.

Даярдаган: Сейдикеримова Мира, Кундуз Мырзалиева

Добавить комментарий

Ваш e-mail не будет опубликован. Обязательные поля помечены *