Жетишпеген, аз камсыз үй-бүлөлөргө студенттерден жардам.

      Муктаж уй-булоолорго жардам

 Талас шаарындагы ИСИТО окуу жайынын студенттери жетишпеген, аз камсыз үй-бүлөлөргө, мүмкүнчүлүгү чектелген жана ден-соолугунан жабыр тарткан адамдарга өз демилгелери менен ар кандай иш чараларды, чакан концерттерди уюштурушуп, андан түшкөн акча каражаттарына бүгүнкү күндө элүүдөн ашуун муктаж үй-бүлөлөргө жардам беришкен, жана бул тууралу кененирээк маалыматты ИСИТО окуу жайынын экономика сабагынан мугалими Талгат кызы Жылдыз айымдын айтымында:

Негизинен эле биз ИСИТО окуу жайынын студенттери болуп аз камсыз бир үй-бүлөгө жардам берүүдөн баштаганбыз, андан соң жардамга муктаж адамдардын саны абдан көп экенин көрүп ар кандай иш- чараларды уюштуруп түшкөн каражаттарга мүмкүнчүлүгү чектелген аз камсыз үй-бүлөлөргө кийимдер жана тамак аш менен жардам бердик, жана ушул эле ойлорду ИСИТО окуу жайынын студенти Мамбеткалый уулу Эржан да толуктады.

        Даярдаган: Ботукеев Зоотбек

Таласта диний окуу жайлар текшерилди.

      Диний окуу жайлар текшерилүүдө

Таласта экстремизм жана терроризмге каршы күрөш жүрүүдө. Бул тууралуу Талас ОИИБ билдирди.

 Милиция кызматкери тарабынан иштелип чыккан комплекстүү иш чара башталды. Атайын комисия түзүлүп, Талас облусундагы диний окуу жайлар (медреселер) текшерилди. Окуу жайдагы мугалимдердин билим берүү сапаты, уруксат иш-кагаздары жана ишмердүүлүктөрүнүн мыйзамдуулугу иликтенди. Комиссиянын курамында Өкмөттүн ыйгарым өкүлчүлүгүнөн, облустун казиятынан, саламаттык сактоо тармагынан жана укук коргоо органдарынан жана башка тажрыйбалуу кызматкерлер бар. Ар бир жаш өспүрүм менен сүйлөшүп, диний көз караштары жана багыттары бааланды. Ал эми санитардык абалдан башка, чон кемчиликтер аныкталган жок. Учурда текшерүү жана иликтөө иштери уланууда.

                  Даярдаган: Тимурова Толгонай

Таласта олимпиаданын 3-туру аяктап, республикалык турга 68-окуучу өттү.

      Олимпиада

Таласта бүгүн 27-февраль күнү олимпиаданын облустук 3-туру жайынтыкталды. Бул тууралу аймактык кабарчы билдирди.

Жалпы облус боюнча олимпиадага 178-окуучу катышып, 12 предметтен өткөн. Облустук 3-туру эки күн өтүп ,бүгүн жыйынтыкталды. Республикалык турга 1-орунду 34 окуучу, 2-орунду  34 окуучу камсыздап республикалык турга өткөнү маалым болду.

         Даярдаган: Тимурова Толгонай

Улуттук Кызыл Ай Коому.

      Кызылай коому

Кыргызстан Кызыл Айы гуманитардык ишмердүүлгүн 1926-жылдан бери аткарып келе жатат. Уюмдун миссиясы өлкөнүн баардык жети аймагы боюнча калктык аярлуу топторунун жашоосун жакшыртууда жана жеңилдетүүдө. Кыргызстан Кызыл Айы Кызыл Крест Эл аралык Комитети, Кызыл Крест жана Кызыл Ай Коомдорунун Эл аралык федерациясы жана бүткүл дүйнө жүзү боюнча 190 улуттук коомдору менен бирге Кызыл Крест жана Кызыл Ай Эл аралык кыймылын түзөт. Ал эми бүгүнкү күндө Талас шаарындагы Кызыл Ай коому эң жакшы иш чараларды жүргүзүп, жардамга муктаж, жетишпеген үй-бүлөлөргө же жетим балдарга кийимдер жана тамак аш менен жардам берип, өз ыктыярчылары менен кичине балдардын көңүлүн ачуу максатында чакан концерттерди уюштурушуп, көптөгөн жардамдарды көрсөтүүдө, жана бул тууралу кененирээк маалыматты Кызыл Ай Коомунун кан тапшырууну өнүктүрүу боюнча кызматкери Шаршенова Кулипа айымдын айтымында:

Кызыл Ай Коому көп багытта жумуш алып барат, алардын арасынан  саламаттыкты сактоо, өзгөчө кырдаал учурунда өзүн-өзү башкаруу,көп балалууларга, кары-картаңдарга, жетимдерге кийим-кече, тамак аш менен жардам берүү. Кызыл Ай Коомунун эң негизги максаты бул аярлуу катмардагы элдин жашоосун жеңилдетүү.

                 Даярдаган: Тимурова Толгонай

Ата Мекенди коргоо күнү

   Нарын районуна караштуу Жерге-Тал айылында Ата мекенди коргоочулар күнүнө карата атайын иш чаралар өткөрүлдү. А.Табалдиев  мектебинин мугалими  К.Чылабаева 23-февралда  жакшы майрамдаганын айтып өттү.

Мен үчүн 23-февраль абдан чоӊ майрам, себеби жаштарды патриоттуулукка  үйрөтөт.Ал эми биздин  мектептин тарых мугалими Ж.Аманбеков атайын иш чара өткөрдү, окуучуларга доклад ошондой эле 23-февраль кандай  майрам  экенин белгилеп өттү. Ошондой эле  агайыбыз  2002 –жылы туулган балдарга аскерге катталуучу күбөлүк тапшырды.

 Жаштар уюмунун мүчөсү Л.Ишенбекова  мындый деди.

      Ата Мекенди коргоочулар күнүнө  карата концерт уюштурулган.Ал концертке 7-10 класска чейин окуучулар  катышты.Бул иш чаранын  негизги  максаты жаштарды патриоттуулука үндөө болгон.Иш чара жогорку деӊгээлде өттү.

Ошондой эле 11-классынын окуучусу  А.Токонова өзүнүн оюн  төмөндөгүчө билдирди.

      Биз бул майрамды үй –бүлөөбүз менен биргеликте майрамдайбыз.Бизге 23-февраль чоӊ майрам болгондуктан атама жана байкелериме белек бердик. Ал эми кийинки муундарга айтаарым Мекен үчүн-кызмат кылгыла демекчимин.

Кыргыздын эр азамат жигиттери мекенге кызмат кылган, мекен үчүн жанын аябаган инсандардын болуусуна тилектешбиз.

                  Даярдаган:Гулипа Амангелдиева

 

Таласта рейд учурунда 22 жаш өспүрүп кармалган.

      подросток ночь1

Бул тууралуу Талас ОИИБ басма сөз катчысы Динара Сарнагоева билдирди.  Талас шаарынын аймагында “подросток ночь” аталыштагы атайын рейд өткөрүлгөн. Бул рейдтин максаты жаш өсүрүмдөрдүн арасындагы кылмыштуулукту алдын алуу жана профилактика жасоо. Бул рейдтин аты айтып тургандай өспүрүмдөрдүн түнкү саат  22:00 дон баштап көчөдө ата-энесинин жана коштоп жүрүүчү туугандары жок  жалгыз жүргон өспүрүмдөрдү  текшерүү өзүн алып жүрүсүн текшерилди.

. Рейдтин убагында коштоп жүрүүчү адамдары жок, жалгыз көчөдө жүргөн 22 жаш өспүрүм балдар Талас шаардыкдыкички иштер бөлүмүнө алып келинген. Бул өспүрүмдөрдүн ата-энелери  жоопко тартылган. Протокол түзүлүп ошонун негизинде чара көрүлгөн.

 Даярдаган: Тимурова Толгонай

Талас шаарынын Манас Ата себат балдар лицейинде өзүнө 20теманы камтыган дебат болуп өттү.

      Дебат

Талас шаарынын Манас Ата сапат балдар лицейинде өзүнө 20 теманы камтыган англис тилинде дебат өттү. Бул туурасында биздин  кабарчы дебаттын катышуучуларынан кабар алды. Дебат 21-22 февралда болуп өттү. Эки күндүк дебатка Талас Мамлекеттик Университет, Талас шаарынын мектептери, Талас Мээрим сапат кыздар лицейи, Талас Манас Ата сапат балдар лицейи жана чет тилдери багытындагы лицей-комплекс катышышты.       

Дебаттын башкы максаты окуучуларды жана студенттерди англис тилинде эркин сүйлөтүү. Дебаттын шарты боюнча 1 командада 3 төн катышуучу болду. Тактык үчүн ар бир катышуучу мойнуна бейджик номери менен тагынышып каттоодон өтүштү. Өтүлгөн дебаттын биринчи күнүндө финалга 4 команда 6 окуучу тандалды. Аларды Мээрим сапат кыздар лицейинин окуучуларынан түзүлгөн 2 команда Манас Ата сапат балдар лицейинин окуучуларынан түзүгө 2  команда түзүлдү.

Дебаттын 2 күнү финалда 4 команда жарышып 1-2-3-орундар ыйгарылды. Орундар берилгенче дебаттын катышуучулардын арасынан талантуу балдар жана кыздар   концерттик программа тартуулашты. Жыйынтыгында 1-2 орунга Мээрим сапат кыздар лицейи  ээ болушту, 3-орунду Манас Ата сапат балдар лицейинин командасы ээ болушту. 1-орунга 1-даражадагы медаль сертификат жана кубок ыйгарылды, 2-3 орунга 2-3 даражадагы кубок сертификат берилди, 6-орунга чейинки ээ болгон командаларга сертификат ыйгарылды. Ал эми калган катышуучуларга активдүү катышкандыгы үчүн сертификаттар берилди.

Даярдаган: Тимурова Толгонай

“Кыргызстандагы адам укуктары боюнча кырдаалга баа берүү”- форуму.

      Укук коргоо

Бүгүн Талас шаарындагы  Байбол ресторанында “Кыргызстандагы адам укуктары боюнча кырдаалга баа берүү”- темада форумга Талас облусунун ыйгарым өкүлчүлүгүнүн орун басары, Талас, Манас, Кара-Буура райондорунун акимчилигинин өкүлдөрү, өкмөттүк эмес уюмдардын өкүлдөрү, жана жарандык коомдун өкүлдөрү, аксакалдар кеңешинин төрөгалары, жана ички иштер башкармалыгынын мүчөлөрү катышышты. Бул форум тууралуу аялдарды коргоо бөлүмүнүн өкүлү Нусалиева Бакен Абыловна айымдын айтымында:

Бүл форумдун негизги максаты ар бир адам өз укуктарын билүү. Биз бугу чейин Кыргызстандын баардык аймактарында ушундай иш- чараларды өткөрүп келдик, жана бүгүнкү күндө Талас шаарында да болгону турат. Негизинен эле адам укуктары боюнча кырдаалга баа берүү бизде көптөн бери изилденип баардык аймак-аймактардын элдеринен укук тууралуу суроо алынып жана жоопторунан улам жыйынтык чыгарып жатабыз. Бул иш чаранын негизги демөөрчүлөрү Омбудсмен, USAID, Freedom House. Мамлекеттин чөнтөгү жука болгондуктан мындай изилдөөлөр жана иш- чаралар эл аралык уюмдарга тапшырылып мунусунда биз аялдарды коргоо уюму өткөрүп жатабыз. Биз ушул форумду өткөрүүдө көптөгөн көйгөйлүү маселелер бар экенин билип, жана алардын арасынан эң олуттуу маселе бул кароосуз калган балдар жалпылап айтканда балдардын укугун коргоо маселеси абдан чоң көйгөйлүү маселе экенин биле алдык десем жаңылышпайм. Негизинен биздин максатыбыз жөнөкөй элдер менен иш алып барып, жана эң олуттуу үч маселени иштеп чыгып  ошонун негизинде иш алып баруу.

Бул форумдун катышуучусу Узакбаева Жакшылык Аскарбековна айымдын айтымында:

Мен Узакбаева Жакшылык Аскарбековна Талас облусу боюнча ыйгарым өкүлчүлүгүнүн өкүлү  болуп эмгектенем. Негизинен бул жерде каралып жаткан маселе ар бир адам өз укугун билүү, жогоруда айтып өткөндөй ар бир адам оз укугун билсе, демек биздин өлкөбүздө кылмыштуулук же ушул сыяктуу иштер азаймак. Бул жерде дагы бир айта кетчү нерсе Таласта жана Ошто балдардын укугу жана мигранттардын укугу абдан чоң көйгөйлүу маселелерди жаратууда, жана ушул уюштуруп жаткан коом азыркы айтылган сунуштар укук бузууларды карашып жана эң олуттуу маселесин иштеп чыкмакчы.

Даярдаган: Толгонай Тимурова

Талас шаарындагы “Акылкарачач”- оюну биринчи туру болуп өттү.

 

      Интелектуал

Бүгункү күндө Талас шаарындагы №6 орто мектебинде кыздар арасында “Акылкарачач”- аттуу оюндун биринчи туру өткөрүлдү. Бул оюнга Талас шаарындагы баардык мектептердин 10- классынын окуучулары команда менен география, математика, кыргыз тили жана адабияты, тарых сабактарынан суроо берилип, биринчи туру аяктады.  Бул оюнга катышкан окуучулардын арасынан №1 орто мектебинин окуучусу Файзудин кызы Мадинанын айтымында :

 

Мен, Файзудин кызы Мадина азыркы учурда №1 орто мектебинин окуучусу болом. Бул убакытка чейин 2017-жылы апрель айларында да 4 тур болуп жеңүүчулөргө жакшы белектер тапшырылган. Ал эми азыркы учурда дагы мектептер арасында оюн өткөрүлүп жакшы орундарды багындырабыз деген ойдомун.

Негизинен эле бул “Акылкарачач” оюну 4 турдан турат, ал эми бугун биринчи туру болуп өттү. Бул оюндун катышуучуларынын жыйынтыгы 4 турда аныкталат.

 Даярдаган:Тимурова Толгонай

 

“Жаштардын үнүн угуу”- аттуу темада жыйын.

      Жаштар үнүн угуу

31-январь күнү Талас облусунун ыйгарым укуктуу өкүлчүлүгүндө  “Жаштардын үнүн угуу”- аттуу темада жыйын өтүлүп, ал жакта жаштар өз оюун жана сунушун Талас облусунун ыйгарым укуктуу өкүлү   Мураталиев Марат Молдоновичке түз айта алышты, жана Марат Молдонович жаштардын сунушун четке какпай, алар менен чогуу иш алып барууга сөз берди.

Азыркы учурда көйгөйлүү маселелер көп болгондуктан, жана аларды чечүүгө бир гана өкүлчүлүктүн чечими эмес, жаштардын же деги эле элдин көз карашы да өтө керек. Азыркы болуп өткөн бул жыйында Марат Молдонович Талас облусу үчүн алдыга койгон максатын толугу менен элге жеткирип,  жаштардын сунуштарын жана пикирлерин угуп, жана төмөндөгүчө суроолор менен кайрылды. Келечекте  Талас облусун кандай элестесиңер? Биздин облусубус өсүп өнүгүсү үчүн  кандай иш-чараларды  жүргүзсөк силерге ыңгайлуу болот? Кандай көйгөйлүү маселелер бар? Ошондой эле  бул суроолорго  жыйында олтурган жаштар өз ойлорун кенен айтышып өкүлчүлүк менен жаштардын үнүн үгузуучу жаш өспүрүмдөр облусун өкүлү Марат Мураталиев менен бир айда бир жолу жолугушуу болуп  тураары чечилди.

Жыйында катышуучулар ар тарапта иштешип жана жетпеген каражат же деги эле сунуш көйгөйлөрүн айтышышты жана алардын арасынан Жуматаев Бекжан Молдобековичтин айтымында:

Мен Жуматаев Бекжан Молдобекович. Азыркы учурда Талас шаарындагы №1 орто мектебинин, 11 классынын окуучусу болом. Мен бул убакытка чейин тегерек столдордо, жана көптөгөн жыйындарга катышып келгем, бирок  жаңы облустун жетекчиси  Марат Мураталиев менен жолугушуу бул биринчи жолу. Негизинен менин бул жыйынга катышуумдун себеби, азыркы учурда жаштардын баары мектептен билим алышат, бирок ошол алган билимдерибизди биз мектептен кана колдонобуз, а бирок менин оюмча азыркы учурда жаштар билимге суусап турган учур, ошондуктан мен суранар элем жаштарга билим берүучу уюмдар ачылса деп айтып өттү.

 

Бул тууралуу дагы Талас облустук жаштар кеңешини коомдук бирикмесинин жетекчиси Бектур Медетов  мырзанын айтымында. Бул убакытка чейин жаштар менен биргелешип иш алып баруу биздин

өкүлчүлүктө болгон эмес, жана мен өтө кубанычтамын азыркы учурда Марат Мураталиев демилгеси менен жыйын өтүп жатат. Мен өзүм 2010-жылдан бери жаштар менен иш алып барып келем жана азыркы учурда жаңы топ түзүп иштешип жатканыма 2- жылдын жүзү болду.  Албетте, бизде азыркы учурда көйгөлөрдүн саны арбын, жана мен бул жыйында  жаштар менен иш алып барып, алардын сөзүн угуп жаткан өкүлчүлүккө терең ыраазычылыгымды айтмакчымын.

Бул жыйындын соңунда жаштардын сунушу четке кагылбай, алардын көйгөйлөрү  биринчи мүмкүнчүлүктө чечилээри айтылды.

Даярдаган: Тимурова Толгонай